U Śvisłackim rajonie mužčyna zrezaŭ rohi ź miortvaha alenia. Na jaho zaviali kryminałku
15 studzienia rabotniki inśpiekcyi pa achovie pryrody Śvisłackaha rajona vyjavili, što adzin ź miascovych žycharoŭ «ažyćciaviŭ adździaleńnie rahoŭ ad tušy vysakarodnaha alenia i niezakonna pieramiaściŭ ich da miesca žycharstva». Choć alenia zabiŭ nie hety čałaviek, jaho ŭsio adno pryciahnuć da adkaznaści, pišuć na sajcie nacyjanalnaha parku «Biełaviežskaja pušča».
Ź lutaha pa maj samcy aleniaŭ sami skidajuć rohi, i źbirać ich u lesie ŭ pryncypie nie zabaraniajecca. Ale jość roźnica, dzie źbirać. Naprykład, u Biełaviežskaj puščy dziejničaje ceły šerah praviłaŭ i abmiežavańniaŭ, bo heta pryrodnaja terytoryja z asablivaj achovaj.
Na terytoryi zapaviednaj zony nacyjanalnaha parku, a taksama jahonych palaŭničych valjeraŭ u Pružanskim i Kamianieckim rajonach uvohule zabaroniena znachodzicca biez dazvołu, za heta majuć prava aštrafavać da 30 bazavych vieličyń. Nielha tam taksama ruchacca i parkavać miechaničnyja transpartnyja srodki pa-za darohami i śpiecyjalna abstalavanymi miescami, štraf za parušeńnie taki samy.
Nu, i kali rahataja žyviolina pa niejkich pryčynach zahinuła i čałaviek znajšoŭ jaje trup, to rohi alenia razam z čerapam taksama nie ničyjnyja. U adpaviednaści z praviłami palavańnia jany ŭłasnaść karystalnika palaŭničych uhodździaŭ. Tamu pry vyjaŭleńni paranienych, zahinułych, traŭmavanych dzikich žyvioł zabaraniajecca samavolna ich zdabyvać, raźbirać abo pieramiaščać (transpartavać) ich tušy abo častki tuš, vykarystoŭvać pradukcyju (miasa, škuru, rohi i inšaje). Kali niekamu «paščaściła» na takoje patrapić, to treba pra heta paviedamić ci ŭładalniku palaŭničaj haspadarki, ci ŭ MNS, ci ŭ milicyju, a čapać nielha.
Toj čałaviek, jaki zabraŭ rohi ź miortvaj žyvioliny sabie, nikoha nie pytajučysia, usich hetych niuansaŭ, mahčyma, nie viedaŭ. Tamu Śvisłacki RAUS raspačaŭ suprać jaho kryminalnuju spravu «za niezakonnaje pieramiaščeńnie abo raźbirańnie dzikich žyvioł, u tym liku zahinułych, abo ich častak u asabliva bujnym pamiery».
-
Biełaruska praz sacsietku za šeść hadzin dapamahła italjancam znajści chłopčyka, jaki haściavaŭ u ich amal 30 hadoŭ tamu
-
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
-
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Kamientary