Hienprakuratura: Zvaroty, jakija pastupili ŭ kamisiju ad hramadzian, jakija znachodziacca za miažoj, nie adpaviadajuć patrabavańniam
U kamisiju pa razhladzie zvarotaŭ hramadzian Biełarusi, jakija znachodziacca za miažoj, «pastupiła dastatkovaja kolkaść zajaŭ». Razam z tym siarod ich nie było nivodnaj, jakaja adpaviadała b usim umovam, abaznačanym va ŭkazie, paviedamiŭ namieśnik hienieralnaha prakurora Alaksiej Stuk u efiry telekanała «Biełaruś 1».
«U kamisiju pastupiła dastatkovaja kolkaść zvarotaŭ, ale faktyčna ŭsie jany nie adpaviadajuć tym kryteryjam, jakija prapisany va ŭkazie», — skazaŭ Alaksiej Stuk.
Pavodle jaho, zvaroty «pastupili nie tolki z-za miažy, ale i z terytoryi Biełarusi».
Namieśnik hienieralnaha prakurora skazaŭ, što kamisija razhladaje tolki tyja zvaroty, jakija adpaviadajuć kryteryjam, prapisanym va ŭkazie.
Jon nahadaŭ, što ŭ zajavie nieabchodna adkazać, u suviazi z čym, a taksama čamu čałaviek vyrašyŭ, što ŭ dačynieńni da jaho jość danyja ab ździajśnieńni pravaparušeńniaŭ.
Namieśnik hienieralnaha prakurora raskazaŭ, kamu nie varta čakać łaski kamisii. «Kali čałaviek ździejśniŭ ciažkaje, asabliva ciažkaje złačynstva, nakiravanaje na padryŭ kanstytucyjnaha ładu Biełarusi, suprać intaresaŭ nacyjanalnaj biaśpieki i intaresaŭ Respubliki Biełaruś, asabliva, kali źviazana z hvałtam u dačynieńni da pradstaŭnikoŭ ułady, to takim ludziam, viadoma, łaski čakać nie varta. Ale ŭsio roŭna ja zaŭvažu, što navat u takim vypadku dobraachvotnaja jaŭka, raskajańnie ŭ ździajśnieńni złačynstva, pakryćcio ŭronu budzie ŭličvacca», — zaachvočvaje jon.
Čytajcie taksama:
Ukaz pra «kamisiju pa viartańni» skłali tak, kab jon ničoha nie harantavaŭ. Voś što heta dakazvaje
«Kamisija pa viartańni» pajšła pa svajakach aktyvistaŭ
Prakuratura zajaviła pra pieršy zvarot u «kamisiju dla emihrantaŭ». A heta była redaktarka «Biełsata»
-
U 7‑j śpiecbryhadzie ŭnutranych vojskaŭ źmianili kamandzira i ideołaha — nieŭzabavie paśla pravierki bojehatoŭnaści
-
Łatuška: Pieramovy pa Ukrainie mohuć adkryć mahčymaści dla Biełarusi. Demsiły pavinny być za stałom
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami1
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary