Stvaralnicy katałohaŭ biełaruskich strojaŭ patrebna dapamoha dla zmahańnia ź ciažkaj chvarobaj
Vola Dziemka — minčanka, jakaja žyvie ŭ ZŠA. Jana stvaryła fołk-hurt, źniała film pra narodnyja biełaruskija pieśni, za 10 hadoŭ sabrała cudoŭnuju kalekcyju narodnaha adzieńnia. Apošnija niekalki hadoŭ Vola zmahajecca z redkim imunnym zachvorvańniem i ciapier maje mocnuju patrebu ŭ padtrymcy, piša CityDog.io.
Chto takaja Vola Dziemka
Vola Dziemka vyrasła ŭ rajonie staličnaj płoščy Niezaležnaści: navučalny hod z hurtkami, mastackaj i muzyčnaj škołaj, leta — u vioscy ŭ babuli na Paleśsi.
U 17 hadoŭ dziaŭčyna vypadkova trapiła ŭ Čyrvony kaścioł na kancert kultavaha fołk-hurta «Huda». Hety vypadak źmianiŭ jaje žyćcio — Vola zakachałasia ŭ biełaruski falkłor.
Paśla emihracyi ŭ ZŠA Vola vyvučyłasia na pradziusarku, a ŭ jakaści navučalnaha zadańnia zrabiła film pra biełaruski falkłor dla anhłamoŭnaha hledača. Scenar filma «Pieśni staroj Jeŭropy» adrazu pisaŭsia pa-anhielsku. Hrošy na zdymki dziaŭčyna źbirała z dapamohaj kraŭdfandynhu, a jašče ŭziała kredyt — i prosta vypłočvała jaho sa svaich źbieražeńniaŭ.
I samy pryhožy tvor Voli — cudoŭnyja katałohi biełaruskich strojaŭ.
Pieršuju kašulu dziaŭčyna znajšła na eBay, jašče adnu — na barachołcy, potym spadnicu, zatym fartuch — za dziesiać hadoŭ Vola sabrała bolš za 80 adzinak adzieńnia. Paśla vychadu katałohaŭ (ich, darečy, možna kupić i ŭ Minsku) naša hierainia časta atrymlivaje paviedamleńni pra toje, što chtości znajšoŭ ubor svajoj babuli i zaraz jaho bieražliva zachoŭvaje. Jana pryznajecca, što taki fidbek jaje vielmi padtrymlivaje i natchniaje.
Što zdaryłasia z Volaj?
Voś što raspaviali CityDog.io siabry Voli: «Try hady tamu Voli byŭ pastaŭleny dyjahnaz vielmi redkaha imunnaha zachvorvańnia. Chvaroba nie adstupaje, remisija nie pryjšła, a stan paharšajecca. Jość pracedury, jakija nie pakryvajucca strachoŭkaj. Na heta i byŭ arhanizavany zbor.
Prosim vas padtrymać našu sapraŭdnuju samaaddanuju biełarusačku, jakaja zaŭsiody śpiašajecca dapamahčy inšym i robić usio dla dapamohi biełaruskim pratestoŭcam sa śfiery kultury, dapamahaje ŭkrainskaj supołcy i ŭvieś čas padtrymlivaje ŭsich, chto maje ŭ hetym patrebu, mahčymymi joj sposabami».
Jak dapamahčy Voli?
Zbor u padtrymku Voli byŭ arhanizavany jašče ŭ traŭni minułaha hoda. Ciapier dziaŭčyna prachodzić chimijaterapiju, i dapamoha aktualnaja jak nikoli.
Na siońnia da kanca zboru nie chapaje kala 3 tysiač dalaraŭ.
Čytajcie taksama:
«Ludzi ŭ emihracyi». Jak by nazyvalisia biełaruskija knihi, kali b ich napisali ciapier
«Biełarusy — eto russkije so znakom kačiestva» i «Biełaruś — časť «russkoho mira»». Chto prydumaŭ takuju łuchtu i bzduru?
Kalekcyju aŭtentyčnych strojaŭ Voli Dziemki pakažuć na Metropolitan Fashion Week u Łos-Andželesie
«Niehlubskuju kašulu vykupiła na eBay». Pahladzicie, jakuju nievierahodnuju kalekcyju narodnych strojaŭ sabrała biełaruska ŭ Sietle
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary