U Maryupali znosiać dramteatr, jaki byŭ razburany rasijskim avijaŭdaram
Videa znosu apublikavaŭ telehram-kanał «Maryupal ciapier».
Pavodle infarmacyi daradcy zakonnaha mera horada Piatra Andruščanki, demantujuć zadniuju i centralnuju častku teatra, adnak frantalnuju pakinuć cełaj jak «asnovu rekanstrukcyi».
«Heta značyć, demantujucca tolki tyja častki budynka, jakija dakazvajuć bambardziroŭku, a nie vydumany prapahandaj padryŭ znutry», — zajaviŭ jon.
Dramatyčny teatr Maryupala, dzie mirnyja žychary chavalisia ad abstrełaŭ, byŭ atakavany 16 sakavika. Haradskaja rada tady zajaviła, što ŭ vyniku vybuchu zahinuli amal 300 mirnych žycharoŭ. Ahienctva Associated Press, abapirajučysia na ŭłasnyja raźliki, paviedamiła, što kolkaść zahinułych mahła dasiahnuć 600 čałaviek.
Kamientary