Łukašenka: Idzie čempijanat śvietu. Niešta ja tam nie zaŭvažyŭ našych futbalistaŭ
Siońnia Łukašenka zasłuchaŭ dakład ab asobnych pytańniach raźvićcia sportu. Na dakład byli zaprošany ministr sportu i turyzmu Siarhiej Kavalčuk, namieśnik kiraŭnika Administracyi Ihar Łucki, vice-premjer Ihar Pietryšenka, prezident Nacyjanalnaha alimpijskaha kamiteta Viktar Łukašenka.
«Idzie čempijanat śvietu. Ja niešta, Siarhiej Michajłavič (Kavalčuk), nie zaŭvažyŭ tam našych futbalistaŭ. Ci ja prosta drenna naziraju za čempijanatam śvietu? — iranična vykazaŭsia Łukašenka. — Tam i blizka niama. Bolš za toje, ja paraŭnoŭvaju hulniu našych futbalistaŭ z tym futbołam, jaki siońnia pakazvajuć tam spartsmieny. I prytym jany pakazvajuć hetyja vyniki ŭ zimovy pieryjad času. I, jak były futbalist, jaki zajmaŭsia šmat futbołam, — mnie prosta strašna stanovicca».
Biełaruskaja zbornaja ŭ adbory da čemppijanatu zaniała apošniaje miesca ŭ hrupie, atrymaŭšy tolki adnu pieramohu.
Taksama Łukašenka siońnia źviarnuŭ uvahu na vyniki futbolnaha minskaha «Dynama», jakoje ŭ hetym siezonie zaniała 4-je miesca.
«Jakija miedali ŭziało ŭ hetym hodzie? Nijakija, draŭlanyja. Tak draŭlanyja namaluju ja vam biez hrošaj. A vy adkazvajecie za hetuju kamandu. Ja vam daručyŭ: zajmiciesia, i ja vam daŭ hrošy», — zaŭvažyŭ jon.
Vykazaŭsia jon i pra sankcyi, zajaviŭšy, što jany zusim nie pieraškoda.
«Sankcyi vyznačajuć (raźvićcio sportu) tolki ŭ lepšy bok. Cisk na spartsmiena — jon pakazvaje lepšy vynik, kali ŭ jaho jość charaktar».
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary
--
To-to ja smotriu: Sieviernaja Korieja vsie pjediestały zanimajet. ))) Kłoun škłovskij.