Infarmacyja ab sudzie nad baćkam Hierasimieni akazałasia pamyłkovaj. Sud pamyliŭsia
U raskładzie pasiadžeńniaŭ Minskaha harsuda 8 śniežnia spačatku źjaviłasia infarmacyja pra sud nad baćkam znakamitaj biełaruskaj płyŭčychi Alaksandry Hierasimienia Viktaram pa kryminalnaj spravie ab zaklikach da sankcyj. Paźniej pamyłku vypravili. Sudzić buduć nie baćku, a dačku.
U pieršapačatkovym varyjancie raskładu paviedamlałasia, što Viktara Hierasimieniu abvinavačvajuć u zaklikach da sankcyj (č. 3 art. 361 KK). Paźniej raskład papravili, zaŭvažyła «Zierkała». Viktara Ivanaviča Hierasimieniu zamianili na Alaksandru Viktaraŭnu Hierasimienia.
Pa infarmacyi «Našaj Nivy» Viktar Hierasimienia nie zatrymany.
Razam z Alaksandraj Hierasimienia pa tym ža artykule prachodzić i Alaksandr Apiejkin — adzin z zasnavalnikaŭ Biełaruskaha fondu spartyŭnaj salidarnaści. Uviesnu hetaha hoda arhanizacyja była pryznana režymam ekstremisckaj.
Raniej SK paviedamlaŭ, što raspačataja «śpiecyjalnaja vytvorčaść» u dačynieńni da zasnavalnikaŭ Fondu spartyŭnaj salidarnaści Alaksandry Hierasimienia (jakaja sioleta syšła z fondu) i Alaksandra Apiejkina. Ich abvinavačvali ŭ zaklikach da sankcyj (č. 3 art. 361 Kryminalnaha kodeksa).
Kamientary