SBU abšukała jeparchiju UPC Maskoŭskaha patryjarchatu i śćviardžaje, što znajšła śviedčańni zdrady
Słužba biaśpieki Ukrainy abviaściła, što padčas pieratrusaŭ u Čarnavicka-Bukavinskaj jeparchii UPC Maskoŭskaha patryjarchatu znajšła šmatlikija prykmiety datyčnaści śviataroŭ da viadzieńnia prarasiejskaj prapahandy i raspačała spravu ab dziaržaŭnaj zdradzie.
SBU abviaściła ŭ piatnicu, što padčas pieratrusu ŭ pamiaškańniach Čarnavickaj-Bukavinskaj jeparchii UPC (MP) u Čarnaŭcach na Zachadzie Ukrainy byli, u pryvatnaści, znojdzienyja:
— pierapiska kiraŭnictva jeparchii z Maskvoj, u jakoj z Maskvy, ad RPC, pastupali instrukcyi adnosna taho, jak apraŭdvać napad Rasiei na Ukrainu i raspaviadać pra ŭcisk u dačynieńni da UPC (MP);
— składy z prakramloŭskaj litaraturaj;
— ličbavyja kopii paśviedčańniaŭ asob, jakija vajavali suprać Ukrainy.
Kali mienavita adbylisia pieratrusy, SBU nie ŭdakładniaje. Na hetym tydni viedamstva praviało pieratrusy i ŭ staličnaj Kijeva-Piačerskaj łaŭry.
Śledčymi zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami, ździejśnieny ŭ asabliva bujnym pamiery.
Kamientary