Teleskop Webb zafiksavaŭ ašałamlalnuju pratazorku ŭ vyhladzie «piasočnaha hadzińnika»
Kaśmičny teleskop Webb zdymaje vyjavy blizkaha i dalokaha Suśvietu z pačatku hetaha leta. Na hetym tydni pradstaŭniki NASA pakazali apošni partret Ueba: zdymak ciomnaha vobłaka pad nazvaj L1527 i śviatła, jakoje zychodzić ad pratazorki ŭ jaho jadry.
L1527 znachodzicca prykładna za 460 śvietłavych hadoŭ ad Ziamli i maje dyjamietr 0,3 śvietłavych hoda. U jaho centry znachodzicca pratazorka — vielmi maładaja zorka, jakaja ŭsio jašče farmirujecca. Raniej vobłaka było sfatahrafavana kaśmičnym teleskopam Spitzer i radyjoteleskopam ALMA, jakija vyjavili charakternuju formu piasočnaha hadzińnika. Ale Webb dasiahnuŭ nadzvyčaj vyraznaj vyjavy z dapamohaj kamiery blizkaha infračyrvonaha dyjapazonu.
Źvierchu i źnizu bačnaje śviatło ad pratazorki, jakoje aśviatlaje pustoty ŭnutry navakolnych adtokaŭ hazu i pyłu z hetaha abjekta. Fihury ŭ vierchniaj častcy vyjavy padobnyja da burbałak — heta zornyja «adryžki» abo vykidy hazaŭ, havorycca ŭ aficyjnym paviedamleńni navukoŭcaŭ. Pravaja nižniaja vobłaść vyhladaje siniaj, a nie aranžavaj, tamu što pamiž joj i Uebam mienš pyłu.
Taksama pradstaŭniki NASA dali ahulnuju spravazdaču ab navukovych dasiahnieńniach Ueba, biahučym stanie teleskopa i dalejšych daśledavańniach Suśvietu kaśmičnym ahienctvam. Na siońniašni dzień Ueb pieražyŭ užo 14 udaraŭ mikramietearytami, adzin ź jakich byŭ asabliva surjoznym. Navukoŭcy kažuć, što čakali hetaha, i ŭnosiać niekatoryja apieracyjnyja źmieny, kab paźbiehnuć lubych uździejańniaŭ u budučyni.
Gizmodo raspaviadaje, što fota było pradstaŭlena niepasredna ŭ padkamitecie Pałaty pradstaŭnikoŭ ZŠA, dzie amierykanskija kanhresmieny, akramia pytańniaŭ pra čakanuju daŭhaviečnaść misii i techničnyja zboi ŭ pryborach, mieli mahčymaść zadać ahulnyja pytańni ab astrafizicy i kosmasie.
Tak, adzin z kanhresmienaŭ chacieŭ viedać, što było raniej, da ŭźniknieńnia Suśvietu. «Moj lubimy adkaz na heta pytańnie — vaša zdahadka takaja ž dobraja, jak i maja, — skazaŭ Styvien Finkielštejn, astranom i hałoŭny daśledčyk. — Bolš techničny adkaz, jaki mnie nie padabajecca, zaklučajecca ŭ tym, što paniaćcie času isnuje, tolki pakul isnuje Suśviet. Tak što nijakaha «raniej» nie było».
Tym časam jak toje, što było da Vialikaha vybuchu, zastajecca śfieraj teoryi, adnym z hałoŭnych pryjarytetaŭ NASA źjaŭlajecca daśledavańnie ciomnaj enierhii — nieviadomaha ruchavika pašyreńnia Suśvietu, jaki pastajanna paskarajecca. Praciahłaść žyćcia Ueba ŭ kosmasie aceńvajecca prykładna ŭ 20 hadoŭ.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika6
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary