«Staraja novaja ziamla». Pa-biełarusku vyjšła kniha tvoraŭ Teadora Hiercla
Vyjšła pa-biełarusku kniha zasnavalnika palityčnaha sijanizmu Teadora Hiercla, čyje tvory adyhrali klučavuju rolu ŭ nacyjanalnym ruchu jaŭrejaŭ z metaj viartańnia na histaryčnuju radzimu ŭ Paleścinu. Kniha maje nazvu «Staraja novaja ziamla», pierakład z niamieckaj zrabiŭ Ihar Krebs.
Pra knihu napisała na svajoj staroncy ŭ fejsbuku pierakładčyca Hanna Jankuta:
«Pad adnoj vokładkaj nadrukavanyja dva tvory — ułasna raman «Staraja novaja ziamla» i traktat, ci pamflet «Jaŭrejskaja dziaržava».
Pieršy z hetych tvoraŭ časta nazyvajuć utapičnym — dva jaho hałoŭnyja hieroi, doŭhi čas pražyŭšy ŭdalečyni ad cyvilizacyi, akazvajucca na paleścinskich ziemlach i sa ździŭleńniem daznajucca, što tam paŭstała novaja kraina. Jany padarožničajuć pa joj i znajomiacca ź jaje zvyčajami i zakonami, raźbirajučysia z tym, na jakich pryncypach musić hruntavacca dziaržavabudaŭnictva.
Pry hetym raman maje svoj siužet, asobnyja kamičnyja i ramantyčnyja linii i čytajecca, niahledziačy na idejnuju zahružanaść, vielmi lohka. Supadzieńnie z nazvaj paemy Jakuba Kołasa «Novaja ziamla» zdajecca mnie tut nie vypadkovym — tvory źjavilisia prykładna ŭ adzin čas (Hiercl vydaŭ svoj raman u 1902 hodzie, Kołas ža pačaŭ pracavać nad paemaj u 1911 hodzie, a abdumvać jaje — jašče raniej) i adlustroŭvajuć ahulny «duch času», imknieńnie da samavyznačeńnia i pošuku miesca ŭ śviecie, jakoje možna budzie z peŭnaściu nazvać «svaim». Tolki što Hiercl vyrašyŭ nie raźmieńvacca na drobiazi i adrazu prydumaŭ jaŭrejskuju dziaržavu (bolš detalna pryncypy jaje ŭładkavańnia razhladajucca ŭ druhim tvory ŭ knizie).
U niejkim sensie hetaja kniha — jašče i pra siłu mary, pra toje, jak važna detalna ŭjaŭlać, abmiarkoŭvać i vizualizoŭvać toje, pra što maryš, bo tolki tady robicca zrazumieła, u jaki bok varta ruchacca.
Ciapier knihu možna nabyć u Minsku ŭ internet-kramie kniger.by, a taksama ŭ handlovym centry «Kupałaŭski», krama 41-42. Nieŭzabavie jana musić źjavicca i ŭ inšych minskich kniharniach. Taksama ŭ hetych dźviuch kropkach — anłajn i afłajn — pradajecca kniha «Habrejskija miełodyi» Hienrycha Hajne ŭ pierakładzie Ihara Krebsa, jakaja vyjšła niekalki miesiacaŭ tamu ŭ toj ža sieryi «Hiebraistyka Biełarusi».
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary