ŚMI: Rasija zakupiła iranskija drony, i ŭkraincam budzie ciažka im supraćstajać
Ukraincam budzie składana supraćstajać iranskim dronam, piša The Wall Street Journal.
Jak raskazali amierykanskim žurnalistam ukrainskija vajskoŭcy, RF na minułym tydni pačała vykarystoŭvać pierafarbavanyja pad rasiejskija kalarovyja schiemy iranskija drony Shahed-136.
Ich stali zaŭvažać nad ukrainskimi pazicyjami ŭ Charkaŭskaj vobłaści.
Ekśpiert pa zbroi Skot Karyna ličyć, što «zjaŭleńnie Shahed-136 na vajnie va Ukrainie, niesumnienna, mianiaje apieratyŭnyja płany Kijeva».
Pa jaho słovach, iranskija drony ŭ Rasii mohuć stać važnym procivahaj ukrainskim HIMARS. Składanaść procidziejańnia ŭ tym, što drony davoli maleńkija i lotajuć vielmi nizka, tak što ŭkrainskaj SPA budzie ciažka ich zasiekčy.
Takija sistemy mohuć vykarystoŭvacca Rasijaj dla źniščeńnia ŭkrainskaj artyleryi, u tym liku pastaŭlenych ZŠA haŭbic M-777.
Miž tym, ministr zamiežnych spraŭ Irana Chasiejn Amir Abdałachian u lipieni admaŭlaŭ pastaŭki dronaŭ u Rasiju. «Pryncypovaja i dakładnaja pazicyja Isłamskaj Respubliki Iran zaklučajecca ŭ supraćdziejańni vajnie i padtrymcy namahańniaŭ adnosna spynieńnia vajny, i hetaja pazicyja adroźnivajecca ad padvojnych standartaŭ niekatorych zachodnich dziaržaŭ», — zajaviŭ ministr zamiežnych spraŭ Isłamskaj Respubliki Iran.
Svaich efiektyŭnych bieśpiłotnikaŭ Rasija nie maje.
Majkł Najts, vajenny śpiecyjalist analityčnaha centra vašynhtonskaha Instytuta blizkaŭschodniaj palityki, pradkazaŭ, što ŭkraincy ŭsio ž zdolejuć chutka znajści procijadździe iranskim bieśpiłotnikam-kamikadze. «U Jemienie, Siryi i Hazie iranskija bieśpiłotniki vyhladajuć salidna, — skazaŭ jon. — Ale Ukraina vałodaje salidnaj sistemaj supraćpavietranaj abarony i radyjoelektronnaj baraćby, ź jakoj Iran raniej nie sutykaŭsia». Hetyja drony, kaža Najts, «napačatku efiektyŭnyja, ale paśla pieršy šokavy efiekt minaje».
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary