SK stvaryŭ videateku z pratestaŭ 2020-ha z socień tysiač fajłaŭ i choča ŭzmacnić represii
Śledčy kamitet daŭ spravazdaču, što praciahvaje vyjaŭlać i zatrymlivać ludziej, jakija ŭ 2020 hodzie patrabavali svabodnych vybaraŭ i sumlennaha padliku hałasoŭ.
Jak paviedamiŭ načalnik upraŭleńnia Śledčaha kamiteta pa Minsku Siarhiej Pasko, tolki za apošnija paŭhoda byli zatrymanyja bolš za 280 asob, ź jakich 238 užo vystaŭlenyja abvinavačvańni i jany źmieščanyja pad vartu.
Pasko pryvioŭ prykład zatrymanaha lidara Abjadnanaj hramadzianskaj partyi Mikałaja Kazłova. Pavodle jaho, Kazłoŭ u žniŭni 2020 hoda nie tolki braŭ aktyŭny ŭdzieł u «masavych biasčynstvach na vulicach Minska, ale i aktyŭna vykarystoŭvaŭ hramadzian Biełarusi ŭ nizkich metach svaich kurataraŭ». «Mikałaj Kazłoŭ kiravaŭ radykalna nastrojenym natoŭpam, davaŭ pratestoŭcam ukazańni, zaklikaŭ błakavać darohi i pieraškadžać prajezdu techniki», — zajaviŭ načalnik upraŭleńnia Śledčaha kamiteta pa Minsku.
«Masavymi biasčynstvami» łukašenkaŭcy nazyvajuć mirnyja pratesty.
Mikałaj Kazłoŭ byŭ zatrymany razam ź inšymi siabrami AHP 27 lipienia. Jamu vystaŭlenaje abvinavačvańnie pa narodnym artykule 342 (udzieł u masavych biesparadkach). Uzimku Kazłoŭ adbyvaŭ try miesiacy aryštu za razhałošvańnie danych pa kryminalnaj spravie suprać Kaardynacyjnaj rady.
Taksama Pasko raskazaŭ, što śledčyja Minska stvaryli kryminalistyčnuju videateku, jakaja ŭklučaje sotni tysiač fajłaŭ, dziakujučy analizu jakich užo vyznačanyja bolš za 1400 udzielnikaŭ pratestaŭ.
Pavodle jaho słoŭ, praciahvajecca pastajanny zbor, sistematyzacyja i vyvučeńnie miedyjnych materyjałaŭ pa faktach «złačynstvaŭ ekstremisckaj nakiravanaści».
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5151
Kamientary