Repier Basta śpiavaŭ na jubilei hałoŭnaj trenierki pa mastackaj himnastycy. Raniej prapahandysty admianili jaho kancert u Minsku
Učora hałoŭnaja trenierka nacyjanalnaj zbornaj Biełarusi pa mastackaj himnastycy Iryna Laparskaja adśviatkavała 65-hodździe.
Uračystaść prajšła ŭ restaranie «Lebiadziny» i pavinšavać trenierku pryjechaŭ rasijski repier Basta (Vasil Vakulenka), jaki praśpiavaŭ niekalki svaich kampazicyj.
Tak padčas «Sansary» Basta spuściŭsia sa sceny i razam ź Laparskaj vykanaŭ pieśniu.
Raniej Laparskaja nazyvała Bastu adnym sa svaich lubimych vykanaŭcaŭ, kažučy, što ŭ jaje mašynie hučać jaho pieśni.
Nahadajem, što ŭ červieni byŭ pieraniesieny kancert Basty, jaki mieŭ prajści ŭ Minsk-arenie. Suprać jaho vystupali praŭładnyja aktyvisty i telehram-kanały.
Adzin ź ich, naprykład, pisaŭ: «Što zabyŭsia ŭ našaj stalicy repier Basta, jaki ŭ 2020 hodzie tapiŭ za dziaržpieravarot i pisaŭ pasty ŭ padtrymku ekstremistaŭ?»
«Kali kancert Basta projdzie ŭ «Minsk-Arenie», heta budzie aznačać adno: takija rašeńni ŭ nas prymaje niejki zmahar. Jon padtrymlivaje dziaržpieravarot, sprobu zabojstva prezidenta, sankcyi», — reahavaŭ Ryhor Azaronak.
Restaran «Lebiadziny» pabudavali na terytoryi ptušynaha zakaźnika, a jaho budaŭnictva ŭzakonili zadniaj dataj praz ukaz Alaksandra Łukašenki.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary