Hramadzianka Rasii prychodziła ŭ homielskija sietkavyja kramy i ŭładkoŭvałasia tudy kasiram, piša homielskaje vydańnie «Biełka». Pracadaŭcam jana nazyvała vydumanaje imia, jakoje joj pisali na bejdžy. Užo na nastupny paśla sumoŭja dzień dziaŭčyna sadziłasia za kasu, a ŭ kancy źmieny zabirała ź jaje hrošy i źnikała.
Takim čynam dziaŭčyna pracaŭładkoŭvałasia dvojčy, i abodva razy ŭ jaje nichto nie prasiŭ pradjavić dakumienty.
«Pamiž pracaŭładkavańniem u pieršuju i druhuju sietkavyja kramy abvinavačanaja pieračakała dva tydni. Na momant zatrymańnia ad vykradzienych srodkaŭ — kala 3 tysiač rubloŭ — jana ŭžo paśpieła pazbavicca: pieršuju častku vydatkavała na asabistyja patreby, druhuju vykinuła pierad zatrymańniem, — raskazała padrabiaznaści pamočnica prakurora Homiela Anastasija Kupracevič. —
Svaju vinu dziaŭčyna pryznała i patłumačyła milicyjantam, što ździejśnić złačynstva jaje padšturchnuła biazładnaść najmalnikaŭ i adčuvańnie biespakaranaści.
Kali b jaje paprasili pradjavić choć by pašpart, to jana pabajałasia b iści na złačynstva».
Ciapier byłuju rabotnicu abvinavačvajuć u kradziažy, i joj pahražaje da 4 hadoŭ pazbaŭleńnia voli.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ13
Kamientary