Ab prajekcie pa zbory hrošaj na cełuju «Armiju dronaŭ», jaki pravodzicca sumiesna z Hienštabam ukrainskich Uzbrojenych sił i fandrejzinhavaj płatformaj United24 paviedamiŭ vice-premjer, ministr ličbavaj transfarmacyi Michaił Fiodaraŭ.
«My sfarmavali sistemnaje bačańnie, kab usiu liniju frontu šyrynioj kala 2470 km zakryć dronami, — piša Fiodaraŭ. — Jany dazvolać manitoryć dziejańni voraha, mianiać vajennyja stratehii i zachavać jak maha bolš žyćciaŭ vajskoŭcaŭ. U hetym im dapamoža technałahičnaja «Armija dronaŭ».
Užo byli pratestavanyja «roznyja drony». Na pieršym etapie budzie nabyta 200 bieśpiłotnikaŭ, jakija «mohuć latać da 24 hadzin na adlehłaść 160 km i pry hetym zastavacca amal niezaŭvažnymi dla voraha».
Kompleksnaja prahrama z UNITED 24 dazvolić ukraincam nie tolki zakuplać drony, ale i ramantavać ich, apieratyŭna mianiać, a taksama pravodzić navučańnie piłotaŭ.
Kamientary