Maksima Hałkina vyklučyli z «čornaha śpisu» Minkulta Ukrainy, a ŭ Dziarždumie RF prapanujuć zabrać u jaho dom
Rasijski artyst, komik, televiadučy Maksim Hałkin byŭ vyklučany ź pieraliku asob, jakija stvarajuć pahrozu nacyjanalnaj biaśpiecy Ukrainy. Pra heta śviedčyć infarmacyja, raźmieščanaja na sajcie Ministerstva kultury i infarmacyjnaj palityki Ukrainy pa stanie na sieradu, 22 červienia. Proźvišča Hałkina sa śpisa źnikła, piša focus.ua.
U śpis asob, jakija pahražajuć nacbiaśpiecy, Hałkina ŭnieśli z padačy SBU mienš za hod tamu. Kankretnych prykładaŭ varožaj da Ukrainy dziejnaści nie pryvodziłasia. Ale pa danych sajta «Miratvorac», Hałkin u 2014-2015 hadach niezakonna naviedvaŭ akupavany Rasijaj Krym.
Z pačatkam vajny Hałkin publična vystupiŭ u padtrymku Ukrainy, asudziŭ uvarvańnie rasijskich vojskaŭ, z-za čaho jaho zvolnili z «Pieršaha kanała».
Učora stała viadoma, što ŭ Rasii prapanavali adabrać asabniak u Hałkina i jaho žonki Ały Puhačovaj.
Pieršy namieśnik staršyni kamiteta Dziarždumy RF pa biaśpiecy i supraćdziejańni karupcyi Andrej Łuhavy prapanavaŭ pasialić u zamku znakamitaściej biežancaŭ z Danbasa. Takaja prapanova prahučała padčas jaho vystupu ŭ efiry radyjostancyi «Hovorit Moskva».
Da taho ž hramadskija aktyvisty niekamiercyjnaj arhanizacyi «Achova vod i lasoŭ» nibyta znajšli parušeńni pry budaŭnictvie zamka i napisali skarhu ŭ prakuraturu z patrabavańniem pravieryć vykanańnie budaŭničaha, pažarnaha i sanitarnaha zakanadaŭstva pry ŭźviadzieńni doma.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary