Naŭsieda: Litva nie čakaje ŭvarvańnia ŭ adkaz na abmiežavańnie tranzitu ŭ Kalininhrad
Litva čakaje, što Rasija adklučyć jaje ad rehijanalnaj elektrasietki ŭ adkaz na abmiežavańnie hruzapieravozak u Kalininhradskuju vobłaść, paviedamiŭ prezident Hitanas Naŭsieda ŭ intervju ahienctvu Reuters.
Uvarvańnia rasijskaj armii i vajennaj kanfrantacyi ŭ suviazi z abmiežavańniem tranzitu Vilnia nie čakaje, skazaŭ jon.
Raniej u sieradu aficyjny pradstaŭnik MZS Rasii Maryja Zacharava paabiacała miery ŭ adkaz, jakija buduć «nie ŭ dypłamatyčnaj, a ŭ praktyčnaj płoskaści».
Z 18 červienia litoŭskija ŭłady spynili tranzit u Kalininhrad padsankcyjnych tavaraŭ, u adpaviednaści z patrabavańniami čaćviortaha pakieta sankcyj Jeŭrasajuza. Hubiernatar Kalininhradskaj vobłaści Anton Alichanaŭ raspavioŭ, što pad zabaronu patrapiła da 40-50% hruzaŭ.
Rasija nazyvaje hetaje rašeńnie niezakonnym i ličyć, što jano parušaje pahadnieńnie ab partniorstvie i supracoŭnictvie pamiž Rasijaj i Jeŭrasajuzam.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary