Premjerka Litvy: Davajcie za Ukrainaj nie zabyvacca i pra svabodnych ducham biełarusaŭ
Premjer-ministr Litvy Inhryda Šymonicie vystupiła 21 červienia na forumie Kalinoŭskaha. U svaim vystupleńni jana padtrymała narody Biełarusi i Ukrainy ŭ ich baraćbie za svabodu, padkreśliŭšy nieabchodnaść demakratyčnaha Zachadu nie tolki abviaščać, ale i abaraniać svaje kaštoŭnaści, piša Reform.by.
Siarod inšaha Inhryda Šymanicie zhadała, što adrazu paśla pačatku rasijskaha ŭvarvańnia va Ukrainu krainy ES byli adzinyja ŭ namierach, adnak praź niekatoryja čas pazicyi pačali adroźnivacca. U hetym kantekście jana zhadała prapanovy jeŭrapiejskich palitykaŭ «zachavać Pucinu tvar» i prapanovy Alaksandra Łukašenki ab tranzicie ŭkrainskaha zbožža ŭ bałtyjskija party praź Biełaruś na ŭmovach, što hetyja party buduć adkrytyja i dla biełaruskich tavaraŭ.
«Byccam Łukašenka nie byŭ saŭdzielnikam vajny Rasiei suprać Ukrainy. Jak byccam u 1999-2000 hadach u Biełarusi nie było palityčnych zabojstvaŭ, jak byccam by nie było falsifikacyi vybaraŭ.
Byccam usie patrabavańni mirnych natoŭpaŭ na vulicach Biełarusi sa žniŭnia 2020 hoda zabytyja. I ŭsie hetyja tysiačy palitviaźniaŭ ni za što pazbavilisia voli.
Byccam usie tyja svabodnyja ducham biełarusy, jakija žyvuć u vyhnańni ŭ Litvie, Polščy i inšych krainach Jeŭropy, i tyja, chto znajšoŭ prytułak va Ukrainie tolki dla taho, kab znoŭ stać biežancami, nie zasłuhoŭvajuć šancu na volnuju i demakratyčnuju budučyniu ŭ siabie doma», — zajaviła Inhryda Šymanicie.
Litoŭskaja premjerka zajaviła, što, na jaje dumku, pasłableńnie sankcyj u dačynieńni da Biełarusi pryviadzie tolki da ŭzmacnieńnia žorstkaści represij usiaredzinie krainy. Jana adznačyła, što jeŭrapiejskija lidary pavinny zasiarodzicca na dapamozie Ukrainie, ale nie zabyvacca pry hetym i pra prablemy biełaruskaj hramadzianskaj supolnaści.
«Tamu siońnia, choć my ŭsio jašče skancentravanyja na tym, kab dapamahčy Ukrainie vyjhrać hetuju vajnu suprać rasijskaj tyranii,
davajcie taksama zrobim usio mahčymaje, kab vykanać našyja abiacańni ab padtrymcy svabodnych ludziej Biełarusi. Im patrebna hetaja padtrymka jak nikoli», — zajaviła jana.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES9
Kamientary