Siońnia, 26 lipienia, u Kastryčnickim sudzie Viciebska budzie razhladacca zysk da miascovaj niedziaržaŭnaj haziety «Vitiebskij kuŕjer M». Z zajavaj ab abaronie honaru i dziełavoj reputacyi da haziety źviarnuŭsia viciablanin Alaksandr Daniłaŭ.
Siońnia, 26 lipienia, u Kastryčnickim sudzie Viciebska budzie razhladacca zysk da miascovaj niedziaržaŭnaj haziety «Vitiebskij kuŕjer M». Z zajavaj ab abaronie honaru i dziełavoj reputacyi da haziety źviarnuŭsia viciablanin Alaksandr Daniłaŭ.
Pryčyna -- artykuł u numary ad 14 krasavika 2006 hoda «Płošča Svabody dla vuzkaha koła asob», ŭ jakim aŭtar vykazvaje mierkavańnie, što rašeńnie harvykankama ab advodzie ziamielnaha ŭčastka hramadzianinu A. Daniłavu dla budaŭnictva Centra moładzievaha adpačynku skaraśpiełaje i pryniataje nasupierak zakonu: «Ni publičnaha konkursu prajekta, ni tenderu siarod padradčykaŭ. Usio niejak ciškom, zahadkava».
Iściec ličyć, što aŭtar artykuła naŭmysna pravodzić dumku ab tym, što jon (A.Daniłaŭ) nasupierak patrabavańniam zakonu, vykarystoŭvajučy svajackija suviazi i asabistaje znajomstva sa staršynioj harvykankama, niezakonna atrymaŭ rašeńnie ab advodzie ziamli dla budaŭnictva Centra na miescy, dzie raniej znachodziŭsia kafiedralny sabor Sv. Mikałaja.
A.Daniłaŭ śćviardžaje ŭ zysku, što hetyja źviestki nie adpaviadajuć rečaisnaści, a ton artykuła i rubryki «Skandał», u jakoj jon raźmieščany, źnievažajuć jaho honar i dziełavuju reputacyju. Jon patrabuje abvierhnuć infarmacyju, a svoj maralny ŭron aceńvaje ŭ 30 miljonaŭ rubloŭ.
Pres-słužba HA «Biełaruskaja asacyjacyja žurnalistaŭ»
Kamientary