«Cichieńka śpiavała «Kupalinku», kab nie było strašna». Pravaabaronca Marfa Rabkova — pra svoj pieršy dzień suda
U adnym sa svaich listoŭ na volu palitźniavolenaja pravaabaronca «Viasny» Marfa Rabkova raspaviała pra toje, što adčuvała ŭ pieršy dzień pracesu. Pieradaje «Viasna».
«Ja tak žudasna stamiłasia, nie było navat sił havaryć. Stolki infarmacyi, asob, ruchaŭ i ŭražańniaŭ. Ja ad hetaha ŭžo advykła.
Trochi niazručna jechać u aŭtazaku, tamu što kajdanki zzadu i režuć ruki, ale dziakuj bohu, što ich nie mocna zaciahvajuć. I dobra, što ich zdymajuć u kletcy. Kali jechała ŭ aŭtazaku, to dumała pra toje, dzie my prajazdžajem moj dom. Horka ad hetych dumak. Ale ja supakojvała siabie frazaj: usio, što nas nie zabivaje, robić macniejšymi. I jašče ja cichieńka śpiavała «Kupalinku», kab nie było strašna.
U sudzie, kali apynułasia i ŭbačyła šmat ludziej, mnie tak zachaciełasia dadomu. Prosta ŭziać i vyjści za dźviery. I ŭ mianie było pačućcio, byccam i nie było hetych 19 turemnych miesiacaŭ, što ŭsio heta mnie pryśniłasia. Ale heta taksama byli horkija dumki. Treba pieražyć i vytryvać hety ciažki pieryjad».
Sudovy praces nad kaardynatarkaj vałanciorskaj słužby «Viasny» Marfaj (Maryjaj) Rabkovaj, a taksama vałancioram «Viasny» Andrejem Čapiukom i jašče 8 palitviaźniami raspačaŭsia ŭ Minskim haradskim sudzie 25 krasavika 2022 hoda. U pieršy dzień sudovy praces zrabili zakrytym. Rabkovu sudziać pavodle 11 artykułaŭ Kryminalnaha kodeksa Biełarusi. Mižnarodnyja pravaabarončyja arhanizacyi vystupili s zajavaj u padtrymku Marfy Rabkovaj i Andreja Čapiuka.
Marfa Rabkova znachodzicca ŭ źniavoleńni z 17 vieraśnia 2020 hoda. Padtrymajcie jaje listami salidarnaści.
SIZA-1. 220030, h. Minsk, vuł. Vaładarskaha, 2, Maryi Alaksandraŭnie Rabkovaj.
Čytajcie taksama: Pačaŭsia sud nad pravaabaroncaj Marfaj Rabkovaj i jašče 9 palitviaźniami. Ich vinavaciać pa 10 artykułach Kryminalnaha kodeksa
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary