«Mnie tut vielmi ciažka, tamu što ja — Ściapan Łatypaŭ». Palitviaźnia katujuć ŠIZA
Na palitźniavolenaha Ściapana Łatypava, jaki adbyvaje termin u kałonii «Voŭčyja nory», ciśnie administracyja. Za piać miesiacaŭ u kałonii jaho źmiaščali ŭ ŠIZA ahułam na 32 dni, 27 ź jakich — u lutym. Jaho blizkija paviedamlajuć, što administracyja kałonii składaje raparty na Ściapana pa nadumanych pryčanach.
«Mnie tut vielmi ciažka, tamu što ja Ściapan Łatypaŭ, i mnie tut dastajecca bolš za ŭsich. I mnie tut vielmi ciažka, tamu što ja starajusia nie čarśćvieć, ja ŭsio roŭna starajusia lubić usich — i tych, chto ŭ zialonaj formie, i tych, chto ŭ čornaj formie. Mnie ad hetaha dastajecca jašče bolš.
U mianie ŭžo 32 dni [praviedzienych u ŠIZA] z pačatku hoda — na hety momant heta rekord, bolš [nichto] stolki tut nie adsiedžvaŭ — navat byvałyja zeki, u ich vočy na łob vyłaziać: «Kolki ž možna katavać, što ty takoha zrabiŭ?» Navat tych, chto skraŭ miljony i nie pryznajecca, dzie, katujuć pamienš. Ale, u pryncypie, narmalna, ja trymajusia, tamu što vychodžu i davoli chutka adnaŭlajusia», — paviedamlaje palitviazień.
Ściapana Łatypava asudzili 16 žniŭnia da 8,5 hoda kałonii va ŭmovach uzmocnienaha režymu i aštrafavali na 300 bazavych vieličyniaŭ. Jaho abvinavacili ŭ stvareńni dvarovaha telegram-čata, majsterni pa vyrabie pratesnaj simvoliki, supracivie supracoŭnikam milicyi pry zatrymańni. Akramia hetaha, jak dyrektara kampanii «Biełarba», jaho pryznali vinavatym va ŭviadzieńni ŭ zman klijentaŭ pry akazańni pasłuh pa chimičnaj abaronie raślin. Sam Ściapan na sudzie vinu nie pryznaŭ.
- Padtrymajcie palitviaźnia: PK №22, 225295, Bresckaja vobłaść, h. Ivacevičy, st. Damanava, a/s 20, Ściapan Siarhiejevič Łatypaŭ. Rodnyja Ściapana prapanujuć dublavać listy, jakija vy dasyłajecie jamu ŭ kałoniju, na elektronnuju poštu: [email protected].
Ciapier čytajuć
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj33
Kamientary