Ukrainski hienierał raskazaŭ, jak byŭ źniščany rasijski karabiel u Biardziansku
Rasijski desantny karabiel «Sarataŭ» u porcie Biardzianska byŭ źniščany ŭdaram rakiety «Točka-U».
Rasijski desantny karabiel «Sarataŭ» u porcie Biardzianska byŭ źniščany ŭdaram rakiety «Točka-U». Pra heta raspavioŭ hienierał-major SBU Viktar Jahun. Pavodle jaho słoŭ, ukrainskija vajskoŭcy ŭžo nieadnarazova vykarystoŭvali suprać rasijskaha fłota pieršapačatkova nie pryznačanyja dla hetaha ŭzbrajeńni. Ukraina nie maje sučasnych supraćkarabielnych sistem.
«Toje, što my «nakryli» rakietnymi kompleksami ź bieraha patrulny karabiel kala Adesy, i toje, što my vykarystoŭvali PZRK suprać katara, i toje, što my vykarystoŭvali suprać hetaha karabla «Točku-U» — heta ŭnikalnyja situacyi. Pa hetych situacyjach mohuć vyvučać, jak zbroju, nie pryznačanuju dla viadzieńnia bajavych dziejańniaŭ na mory, vykarystali USU», — skazaŭ Jahun.
«Sarataŭ» byŭ źniščany 24 sakavika, jašče dva karabli byli paškodžanyja.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary