Atrymali bustar ad kavidu? Mahčyma, bolš vakcynavacca vam nie treba budzie
Bolšaść ludziej va ŭsim śviecie ŭžo pryzvyčailisia da vakcynacyi suprać kavidu. Ciapier pierad imi staić nastupnaje pytańnie: kolki času pavinna prajści da nastupnaj dozy pryščepki?
Zhodna z novymi źviestkami, razmova moža iści nie pra miesiacy, a pra hady. Troch doz vakcyny (ci navat dźviuch) bolšaści ludziej moža chapić, kab abaranicca na doŭhi čas ad ciažkaha ciačeńnia chvaroby i ad śmierci. Čaćviortaja doza vakcyny moža dapamahčy ludziam, starejšym za 65 hadoŭ, ci tym, chto ŭ hrupie ryzyki, ale dla bolšaści ludziej jana moža nie być patrebnaj, piša New York Times.
Dźviuch doz vakcyny moža nie chapić, kab abaranicca ad štama amikron. Ale treciaja doza vakcyn na asnovie matryčnaj RNK (naprykład, Pfizer i Moderna) prymušaje arhanizm vyrablać šmat roznych varyjantaŭ antycieł, jakija ciažka paźbiehnuć lubomu štamu kavidu. Usie hetyja antycieły, napeŭna, zdolnyja abaranić čałavieka ad novych štamaŭ chvaroby, navat kali štam vielmi adroźnivajecca ad pieršapačatkovaha.
Bolš za toje, imunitet moža zapomnić virus i źniščyć jaho praz šmat miesiacaŭ paśla kantaktu ź im, a to i praz hady. Sprava ŭ śpiecyfičnych imunnych kletkach — T-kletkach. U ludziej, jakija mieli kantakt ź virusam atypovaj pnieŭmanii ŭ 2003 hodzie, adpaviedny T-kletačny imunitet da jaho isnavaŭ bolš za 17 hadoŭ. Atypovuju pnieŭmaniju vyklikaŭ virus, rodnasny kavidu, tamu navukoŭcy ličać, što i T-kletačny imunitet ad kavidu moža dziejničać praciahły čas.
Jašče adna dobraja navina. T-kletačny imunitet, što ŭtvarajecca ŭ arhaniźmie dziakujučy luboj z čatyroch zachodnich vakcyn suprać kavidu (Pfizer, Moderna, Johnson & Johnson i Novavax), na 80% zachoŭvaje svaju efiektyŭnaść u vypadku z amikronam. Z ulikam taho, što amikron vielmi adroźnivajecca ad minułych štamaŭ kavidu, vielmi imvavierna, što T-kletki dapamohuć nam i ŭ vypadku z novymi štamami, kali jany źjaviacca.
Kamientary