Zatrymany za palityku Sieviaryn Kviatkoŭski niečakana vyjšaŭ na svabodu
Ën raźmiaściŭ u fejsbuku dopis ź Pinska, dzie jaho adpuścili.
Sieviaryn Kviatkoŭski na svabodzie, ale pad kryminalnaj spravaj. Pra heta jon paviedamiŭ u siabie ŭ fejsbuku - niaholeny, ale ščasny.
«Sieviaryn Kviatkouski
8 chv ·
Siabry ja ŭ centry Pinsku pju kavu )
Heta było kino, cyrk, i armiejski aniekdot.
Zrešty, śmiešna da peŭnaj miažy, bo ja zajmieŭ na sabie kryminalnuju spravu.
Addychajusia, i pačnu raspaviadać».
Udzień 19 studzienia Kviatkoŭskaha zatrymali kala doma paśla taho, jak jon viarnuŭsia ŭ Biełaruś z-za miažy.
Jon paŭhoda nie byŭ u Biełarusi i voś viarnuŭsia. Uziali jaho kala doma.
Paśla źjaviłasia infarmacyja, što Sieviaryna pavieźli ŭ Pinsk. Łukašenkaŭski telehram-kanał apublikavaŭ karotkaje videa ź im u źniavoleńni.
Sieviaryn Kviatkoŭski — viadomaja asoba ŭ biełaruskaj žurnalistycy, intelektualistycy i pryhožym piśmienstvie.
Jon pracavaŭ žurnalistam na «Radyjo 101,2» (1995—1996), u hazietach «Imia» (1995—1996) i Naša Niva (1996—1999), u biełaruskaj redakcyi «Polskaha radyjo» (1997—1998), na «Radyjo Racyja» (1999—2002) i Radyjo «Svaboda» (2002—2008). Byŭ redaktaram hramadskaha błoha «Budźma biełarusami!» (2008—2012). Z 2012-ha byŭ publicystam Radyjo «Svaboda».
Jak piśmieńnik Kviatkoŭski debiutavaŭ u 1993 hodzie ŭ «Našaj Nivie» impresijami «Na hetaj papiery…», «Momant Mianie», «Parahvaj».
-
Babaryka byŭ strašna ščaślivy, kali daviedaŭsia, što staŭ dziedam — jaho dačka naradziła ŭ Aŭstralii
-
«Supracoŭnica SIZA kryčyć kanvairu: «Aściarožniej! Ty viadzieš Nobieleŭskaha łaŭreata!»
-
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam5
Kamientary