Maŭlaŭ, pryčyna ŭ tym, što partfolia niekatorych biełaruskich artystaŭ nie pakazvajuć kastynh-dyrektaram z Maskvy.
Mastacki kiraŭnik Kupałaŭskaha teatra Volha Niafiodava raspaviała ŭ intervju sb.by, što paŭtara hoda nie zdymajecca ŭ kino. Na zdymki ŭvieś hety čas nie zaprašali i jaje kaleh pa teatry.
Na pytańnie, ci źnik tvorčy niehatyŭ u dačynieńni da Kupałaŭskaha teatra, i ci źjaviłasia tvorčaja svaboda ŭ jaho supracoŭnikaŭ, Volha Niafiodava adkazała admoŭna:
— Nie, absalutna ščyra kažu, što błakadu Kupałaŭskaha trymajuć, pryčym našy ž kalehi z teatralnaj bracii, jakija pracujuć u dziaržaŭnych ustanovach, takich jak TIUH, naprykład, ci teatr imia Horkaha. Niekatoryja ź ich zastajucca tajemnymi prychilnikami dziaržaŭnaha pieravarotu i praciahvajuć ciškom ŭstaŭlać nam pałki ŭ koły.
Jana taksama ličyć učynki ludziej ź dziaržstruktur «jakija hadziać svajoj dziaržavie», brydkimi i hidkimi. Pa słovach Volhi Niafiodavaj, jaje i jaje kalehu Tamaru Mironavu paŭtara hoda nie zaprašajuć zdymacca ŭ kino.
— Bo tam tam takija ž cichušnyja ludzi, jakija zmahajucca z «režymam», trymajucca za chłapušku i nas nie puskajuć. A maskoŭskija režysiory jak pryjazdžali, tak i pryjazdžajuć zdymać u Minsk, ale našy kastynh-dyrektary nas im nie pakazvajuć, voś i ŭsio. A tyja, chto kryčaŭ: «My nie možam pracavać, kali zabivajuć!», praciahvali tut zdymacca. Jak ža tak? U vas ža raty jašče nie zakrylisia paśla kryku na barykadach, a vy ŭžo ŭ kino zdymalisia ŭpotaj, — patłumačyła situacyju Volha Niafiodava. Jana ličyć, što heta nie dvajnyja, a trajnyja standarty.
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary