Hladzicie, jakija «dyzajnierskija» jełki pastavili ŭ hrodzienskim parku FOTY
Da 10 śniežnia ŭ Hrodnie ŭ parku Žylibiera ŭstalavali ŭžo tradycyjnyja navahodnija jełki ad arhanizacyj i pradpryjemstvaŭ horada. Niekatoryja zachavali styl minułych hadoŭ, «Biełarusbank» pastaviŭ jełku-infakijosk, palikliniki skancentravalisia na karanavirusie, a «Hrodnahipraziem» parekłamavaŭ svaje pasłuhi. U hetym siezonie stała mienš ahratrešu i bolš fotazon, piša Hrodna.life.
Pa parku rasstaŭlenyja jełki ŭsich vidaŭ kanstrukcyj — draŭlanyja konusy, konusy šklanyja z načyńniem-pradukcyjaj, paŭnavartasnyja fotazony i, viadoma, zialonaja maskirovačnaja sietka. Svaje jełki padrychtavali hrodzienskija kaledžy i inšyja ŭstanovy adukacyi.
«Hrodnahaz» pastaviŭ surovuju jalinku-harełku i pravobraz novaha 2022 hoda z bałona.
U paliklinik klučavoj stała tema karanavirusa.
Adździeł adukacyi, sportu i turyzmu administracyi Leninskaha rajona vyrašyŭ nie raźmieńvacca na drobiazi i pastaviŭ adrazu dźvie jalinki: mileńkuju i nie vielmi.
Transpartnikaŭ pradstaŭlajuć fotazona z tyhram i eka-aŭtobusam ad Aŭtobusnaha parku i jełka-prypynak ad Tralejbusnaha. Tralejbusnuju jełku varta razhledzieć: jana zaviešanaja tałončykami i prajaznymi za roznyja hady (možna panastalhavać pra ceny) z Hrodna i Polščy.
Z pradpryjemstvaŭ samaja technałahičnaja jalinka atrymałasia ŭ «Biełarusbanka». Infakijoskam u asnovie karkasa možna budzie karystacca, paabiacali supracoŭniki. Praŭda, nie ŭsie adrazu razumiejuć, čyja heta jełka — na joj šmat «šarykaŭ» nazvaŭ i emblem. Tak čynam bank paznačyŭ svaich partnioraŭ.
Fotazona z aleniami ad zavoda «Biełkard» była i hod tamu, a voś jalinka ŭžo novaja.
Hrodzienskaje MNS padrychtavała fotazonu, dzie možna stać kiroŭcam častki mašyny. Jalinku ŭpryhožyli ŭsim patrebnym: šlemam, pažarnymi apaviaščalnikami, vohnietušycielami i pažarnym šłanham.
Chatku na kurynych nahach ad «Hrodnakadastra» taksama varta razhladać padrabiazna.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca9
Kamientary