Kiraŭnika ABFF Uładzimira Bazanava razam z žonkaj vysłali z Čechii «za parušeńnie supraćepidemičnych mier»
Uładzimira Bazanava razam z žonkaj vysłali z Čechii. Pra heta paviedamili «RIA Novosti».
Maraŭska-Silezskaja palicyja zatrymała staršyniu Biełaruskaha futbolnaha sajuza 64-hadovaha Uładzimira Bazanava 30 listapada. Jon źbiraŭsia naviedać hulniu žanočych zbornych Čechii i Biełarusi.
Pra pajezdku Bazanava ŭ Čechiju stała viadoma napiaredadni. Ministr zamiežnych spraŭ Jakub Kułhanek zajaviŭ, što kali biełaruski čynoŭnik apyniecca na terytoryi Čechii, jaho departujuć.
Mahčyma, Bazanaŭ pryciahnuŭ uvahu češskich uładaŭ tym, što znachodzicca u sankcyjnym śpisie prybałtyjskich respublik.
«Svaimi dziejańniami ludzi z hetaha śpisu saŭdzielničali ŭ arhanizacyi i padtrymcy falsifikacyj prezidenckich vybaraŭ 9 žniŭnia i padtrymlivali nastupnaje hvałtoŭnaje padaŭleńnie mirnych pratestaŭ i demanstracyj», — havorycca ŭ dakumiencie Ministerstva zamiežnych spraŭ Łatvii.
Bazanaŭ źjaŭlajecca kiraŭnikom Biełaruskaj fiederacyi futboła z 2019 hoda. Na pačatku 2010-ch jon uznačalvaŭ «Dynama-Brest». U 2020-m Bazanaŭ udzielničaŭ u viełaprabiehu ŭ padtrymku Łukašenki razam sa staršynioj Alimpijskaha kamiteta i ministram sportu.
Kamientary