Arhkamitet pa stvareńni partyi Biełaruskaja chryścijanskaja demakratyja praviadzie paŭtorny ŭstanoŭčy źjezd.
Arhkamitet pa stvareńni partyi «Biełaruskaja chryścijanskaja demakratyja» (BCHD) praviadzie paŭtorny ŭstanoŭčy źjezd sioleta ŭ kancy kastryčnika — pačatku listapada.
Pra heta 28 lipienia na pres‑kanfierencyi ŭ Minsku paviedamiŭ sustaršynia arhkamiteta partyi Alaksiej Šein.
Pieršy ŭstanoŭčy źjezd BCHD prajšoŭ 28 lutaha, adnak Ministerstva justycyi nie zarehistravała partyju, paličyŭšy, što pry jaho praviadzieńni byli dapuščany parušeńni. U Miniuście taksama zajavili, što partyja nie pradstaviła ŭsie nieabchodnyja dla rehistracyi dakumienty, u pryvatnaści tyja, jakija paćviardžajuć apłatu dziaržpošliny za rehistracyju. 22 lipienia rašeńnie Miniusta padtrymaŭ Viarchoŭny sud.
Sustaršyni arhkamiteta BCHD ličać admovu ŭ rehistracyi partyi palityčna matyvavanaj.
«U nas jość źviestki ź dziaržorhanaŭ, što ŭłady ŭ lubym vypadku nie majuć namieru rehistravać BCHD, — skazaŭ Šein. — Niahledziačy na heta my budziem nastojlivymi ŭ imknieńni prajści aficyjnuju rehistracyju».
Palityk miarkuje, što paŭtorny źjezd moža stać bolš maštabnym, čym pieršy, u jakim brali ŭdzieł 211 delehataŭ.
Kamientary