U redakcyju rehijanalnaj haziety «Hancavicki čas» pryjšli ź pieratrusam
Pad pahrozaju zaŭtrašni vychad papiarovaj haziety. Pra heta paviedamlaje sajt «Pieršy rehijon».
Viadoma pra kanfiskacyju techniki, mabilnych telefonaŭ.
Pryčyny pieratrusu pakul nieviadomyja: suviaź z hałoŭnym redaktaram Piatrom Huzajeŭskim adsutničaje.
Zaŭtra pavinien byŭ vyjści čarhovy vypusk haziety. «Hancavicki čas» — mahčyma, adzinaje rehijanalnaje niezaležnaje vydańnie, jakoje jašče praciahvała vychodzić u drukavanym vyhladzie.
Hazieta «Hancavicki čas», jakaja vychodzić užo 19 hadoŭ, i rehijanalny sajt «Pieršy Rehijon» naležać adnoj kampanii — PVHUP «Miedyja-Hancavičy».
U redakcyi sajta kažuć, što ŭ ich supracoŭnikaŭ u roznych haradach za hod było nie mienš za 15 pieratrusaŭ, niekatoruju techniku im da hetaha času nie viarnuli.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary