Kiraŭnik EPAM zaklikaŭ ułady Biełarusi pierastać karać ludziej za pierakanańni
CEO EPAM Arkadź Dobkin u intervju dev.by raspavioŭ ab płanach, situacyi ŭ kampanii, svaich nadziejach i emocyjach, budučyni IT u Biełarusi i nieabchodnaści dyjałohu.
«Zychod ludziej prymušaje kampanii ŭsio bolš zadumvacca ab svajoj prysutnaści ŭ krainie. Niama čałaviečaha kapitału — niama biznesu. Sychod kampanij prymušaje ludziej jašče bolš dumać ab emihracyi. Nie budzie kampanij z reputacyjaj i davieram klijentaŭ — nie budzie cikavaj i kvalifikavanaj pracy.
Što značyć tady racyjanalnaść z punktu hledžańnia ŭłady? Pierš za ŭsio, napeŭna, heta pierahlad padychodu da pakarańnia ludziej za ich pierakanańni i za mirnaje vykazvańnie hetych pierakanańniaŭ, za ich sumlennuju prafiesijnuju dziejnaść, uklučajučy spynieńnie administracyjnaha i kryminalnaha pieraśledu hetych katehoryj hramadzian.
Hety krok krytyčna važny.
Jon dazvolić, pa mienšaj miery, prypynić zychod ludziej z pačućcia strachu i pačućcia nieabaronienaści, u niejkaj stupieni adčaju i nierazumieńnia, za što možna siońnia być pakaranym administracyjna abo kryminalna.
Heta dazvolić i biznesu pierastać pastajanna bajacca za ludziej i zasiarodzicca pierš za ŭsio na biznesie, klijentach i zachavańni ich jašče nie stračanaha davieru. Biezumoŭna, nieapraŭdanyja pretenzii da biznesu taksama nijak nie dapamahajuć, ale ŭ dadzienaj situacyi heta ŭžo, chutčej za ŭsio, druhi raz. Bo biznes — heta pierš za ŭsio ludzi.
Heta, napeŭna, i jość asnova dla pačatku dyjałohu.
Čamu mienavita ŭłada pavinna zrabić hety pieršy krok? Napeŭna, pierš za ŭsio, tamu što ŭ jaje jość ŭłada», — zajaviŭ biznesmien.
Nahadajem, 9 žniŭnia na pres-kanfierencyi Alaksandr Łukašenka skazaŭ, što «niejki EPAM i inšyja, Dobkin abo Kroškin (…) hrošy siudy pieraličvaŭ na pratesnyja akcyi». Taksama jon zajaviŭ, što «my pavinny bačyć usie finansavyja patoki. Rabicie pradukt, atrymlivajcie hrošy, ale jany pavinny być tut».
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary