Komiki vystupili ŭ padtrymku biełaruskaha hramadzianina Idraka Mirzalizade, aryštavanaha za žart pra ruskich
Rasijskija komiki zapisali rolik u padtrymku svajho kalehi Idraka Mirzalizade, jaki atrymaŭ 10 dzion aryštu za žart pra ruskich. Rolik raźmieščany na jutub-kanale Stand-Up Club #1.
«10 dzion za žart — heta nie strašnaje pakarańnie, ale strašny precedent. Žart moža nie spadabacca ci pakryŭdzić. Ale za žart nielha pazbaŭlać voli. Adzinaje, čaho chočuć komiki, vychodziačy na scenu, — kab ludzi śmiajalisia», — havorycca ŭ apisańni da videa.
Nahadajem, raniej u dačynieńni da komika, hramadzianina Biełarusi Idraka Mirzalizade ŭ Rasii raspačali spravu pa artykule ab ŭzbudžeńni nianaviści abo varožaści i prynižeńnie čałaviečaj hodnaści.
U chodzie prakurorskaj pravierki było ŭstanoŭlena, što jon publična vymaviŭ «vykazvańni, jakija źmiaščajuć linhvistyčnyja i psichałahičnyja prykmiety prynižeńnia hrupy asob, vydzielenaj pa nacyjanalnaj prykmiecie, i prapahandu jaje niepaŭnavartasnaści».
Mirzalizade ŭ vypusku pieradačy «Razhony» apisvaŭ ciažkaści pry zdymie kvatery, ź jakimi sutykajecca čałaviek paŭdniovaha pachodžańnia. Jon raspavioŭ, jak jon zajechaŭ u kvateru, jakuju raniej zdymali «ruskija», i pabačyŭ zapeckany kałam matrac.
Komik taksama raspavioŭ, što na jaho napali ŭ centry Maskvy, paśla taho jak jaho vystup raskrytykavali.
Idrak Mirzalizade naradziŭsia ŭ Azierbajdžanie, ale vyras i vučyŭsia ŭ Minsku, u jaho biełaruskaje hramadzianstva. Jaho baćka Kachin Mirzalizade byŭ viadomy dziejač tałyšskaha ruchu.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary