Łatypaŭ kaža, što ź ciažkaściu sočyć za pracesam. U jaho hałavakružeńnie, siońnia zranku ŭ jaho byŭ zafiksavany vysoki cisk.
Doktar zrabiŭ ukoł, ale lepš nie stała. Łatypavu buduć vyklikać chutkuju, paviedamlaje «Novy čas».
«U kamiery horača, palać. Z ranicy byŭ vysoki cisk. Načmied zrabiŭ ukoł i adpraviŭ siudy [na sud]. Lahčej nie stała».
Sudździa Alaksandr Vołk zadavoliŭ chadajnictva, u sud da Ściapana jeduć daktary.
Praces nad abaroncam Płoščy pieramien Ściapanam Łatypavym pačaŭsia 1 červienia. Ale na pieršym ža pasiadžeńni Ściapan zajaviŭ, što supracoŭniki HUBAZiKa pahražali zavieści kryminalnyja spravy ŭ dačynieńni da jaho svajakoŭ i susiedziaŭ, kali jon nie pryznaje vinu, raskazaŭ, što bolš miesiaca pravioŭ u nievynosnych umovach.
Zatym — pratknuŭ sabie horła ručkaj prosta ŭ kletcy Praz heta Łatypava adpraŭlali na psichijatryčnuju ekśpiertyzu, jakaja pryznała jaho zdarovym.
Na hetym tydni sud adnaviŭsia.
Kamientary