Daŭno ličyłasia, što čym bolš vy bavicie čas na pryrodzie, tym lepiej stan vašaha psichičnaha zdaroŭja. Ciapier navukoŭcy zdoleli heta paćvierdzić.
Sudovyja psichołahi z Univiersiteta Derbi praanalizavali źviestki z dvuch roznych daśledavańniaŭ, u jakich udzielničali 500 brytancaŭ. Heta byli apytanki, padčas jakich ludziej paprasili paviedamić, dzie im bolš padabajecca žyć — u horadzie, pryharadzie abo ŭ vioscy. Taksama jany zapoŭnili ankiety, nakiravanyja na vyśviatleńnie typu asoby, rys charaktaru i ŭzroŭniu suviazi z pryrodaj, piša Daily Mail.
Źviestki śviedčać, što mała kantaktujuć z pryrodaj tyja ludzi, u jakich vyražany rysy charaktaru z tak zvanaj «ciomnaj tryjady» — narcysizm, makijavielizm i psichapatyja. Pry hetym kožny čałaviek maje psichapatyčnyja rysy charaktaru, ale ŭzrovień ich prajaŭleńnia ŭ kožnaha čałavieka rozny.
Što ž heta za rysy? Pieršaja ź ich — narcysizm — vyznačajecca adčuvańniem pretencyjoznaści, honaru, ehaizmu i niedachopam supieražyvańnia. Makijavielizm źviazvajuć z manipulacyjami i schilnaściu karystacca inšymi ludźmi. Časta ličycca, što ludzi z hetaj rysaj majuć cyničnuju niepavahu da marali, dla ich važnyja tolki ŭłasnyja intaresy i mahčymaść padmanuć inšych. Narešcie, asnoŭnyja rysy psichapatyi — praciahłyja antysacyjalnyja pavodziny, impulsiŭnaść, ehaizm, biessardečnaść i biaźlitasnaść.
Pry hetym rysy «ciomnaj tryjady» nie zaŭsiody niasuć u sabie niebiaśpieku dla inšych. Ludzi z takimi rysami mohuć zachoŭvać spakoj pad ciskam i prymać rašeńni, jakija nie hruntujucca na emocyjach. Tamu im dobra ŭdajecca pracavać, naprykład, u miedycynie ci słužyć u vojsku.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy28
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary