Prysud 16-hadovamu Mikitu Załatarovu z Homiela pa «spravie ab kaktejlach Mołatava» pakinuli ŭ sile: piać hadoŭ kałonii
Siońnia ŭ Homielskim abłasnym sudzie razhledzieli apielacyjnuju skarhu na prysud 16-hadovamu Mikitu Załatarovu pa tak zvanaj spravie ab «kaktejlach Mołatava». Prysud pakinuli raniejšym, piša Tut.by.
Mikita Załataroŭ byŭ aryštavany 11 žniŭnia 2020 hoda pa abvinavačvańni ŭ arhanizacyi masavych biesparadkaŭ, a taksama ŭ niezakonnaj dziejnaści ŭ dačynieńni da bojeprypasaŭ, zbroi abo vybuchovych rečyvaŭ.
U lutym sud Čyhunačnaha rajona Homiela prysudziŭ niepaŭnaletniaha da piaci hadoŭ vychavaŭčaj kałonii. Jaho znajomych — 29-hadovaha žychara Homielskaha rajona Leanida Kavalova da šaści hadoŭ kałonii ŭzmocnienaha režymu, i 26-hadovaha žychara Dobruša Dźmitryja Karniejeva — da vaśmi hadoŭ kałonii strohaha režymu.
Usich ich abvinavačvali ŭ niezakonnym vyrabie vybuchovych rečyvaŭ, udziele ŭ masavych biesparadkach (padčas suda pierakvalifikavana na «padrychtoŭku da ŭdziełu ŭ masavych biesparadkach»), a Kavalova — jašče i ŭ ich arhanizacyi i ŭciahvańni niepaŭnaletniaha ŭ ździajśnieńnie złačynstva.
Pavodle viersii śledstva, Kavaloŭ zrabiŭ dva kaktejli Mołatava, pieravioz ich u centr horada i schavaŭ u adnym z dvaroŭ. Uviečary 10 žniŭnia jon pryjechaŭ u rajon praviadzieńnia pratestnych mitynhaŭ, dzie znajšoŭ vykanaŭcaŭ svajho złačynnaha płana — Karniejeva i Załatarova. Mužčyna pieradaŭ novym znajomym kaktejli Mołatava dla taho, kab jany padpalili ścianu jakoha-niebudź doma, a zatym staŭ pierakonvać ich ździejśnić bolš radykalnyja dziejańni — padpalić haradski aŭtobus ci aŭtazak.
Pa darozie maładyja ludzi sustreli vajskoŭcaŭ vajskovaj častki 5525 i ŭciakli, a Karniejeŭ kinuŭ butelku ŭ ich bok. Nichto nie paciarpieŭ.
Kavaloŭ i Załataroŭ vinu nie pryznali. Karniejeŭ pryznaŭ častkova.
-
«Nieaficyjna my daŭno kažam Minsku: pierastavajcie dapamahać ruskim». Zialenski patłumačyŭ, čamu pastaviŭ ultymatum
-
«Heta ŭžo nie tolki pytańnie demakratyi i pravoŭ čałavieka». Pieraabrany śpikier KR zaklikaŭ da nacyjanalnaha dyjałohu
-
Džon Koŭł zajaviŭ, što vyzvaleńni palitviaźniaŭ buduć praciahvacca
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk7
Kamientary