Padčas narady pa ŭdaskanaleńni zakanadaŭstva ŭ śfiery nacyjanalnaj biaśpieki i achovy hramadskaha paradku Alaksandr Łukašenka pacikaviŭsia, što «zroblena dla naviadzieńnia paradku ŭ advakatury». Pra heta paviedamlaje jaho pres-słužba.
— Asnoŭnaja zadača hetaha pravavoha instytuta — abarona zakonnych intaresaŭ hramadzian, subjektaŭ haspadarańnia. Jak jany tut niaŭchilna vykonvajuć zakon? — paznačyŭ jon pytańnie.
— Ale jašče raz padkreślivaju, biez sprobaŭ pastavić kahości na kaleni i nachilić. Vinavaty — adkazvaj, nie vinavaty — idzi pracuj.
Za apošnija miesiacy minimum šeść advakataŭ byli pazbaŭlenyja licenzij, mnohija ź ich pracavali pa «palityčnych» spravach. Kanviejer nie spyniajecca, anansavanyja novyja pasiadžeńni kamisij. Staršynia Biełaruskaj respublikanskaj kalehii advakataŭ Viktar Čajčyc zaklikaŭ advakataŭ «nie leźci ŭ palityku», nahadvaje Tut.by.
Kamientary