Pryjomkaj u ekspłuatacyju puskavoha kompleksu pieršaha błoka BiełAES zojmiecca śpiecyjalnaja kamisija
Pastanovaj urada pryznačanaja kamisija pa pryjomcy ŭ ekspłuatacyju puskavoha kompleksu pieršaha błoka Biełaruskaj atamnaj elektrastancyi ŭ składzie zhodna z dadatkam. Dakumient apublikavany na Nacyjanalnym pravavym internet-partale, piša Tut.by.
Dakumient urada vyznačyŭ tych, chto ŭvojdzie ŭ skład kamisii.
Jaje staršynioj pryznačany vice-premjer Juryj Nazaraŭ, jaki kuryruje va ŭradzie enierhietyčny kompleks. Siarod členaŭ kamisii — hienieralny dyrektar «Biełenierha» Pavał Drozd, hienieralny dyrektar «BiełAES» Michaił Filimonaŭ, namieśnik ministra enierhietyki Michaił Michadziuk, pieršy namieśnik ministra finansaŭ Dźmitryj Kijko, namieśnik staršyni Hrodzienskaha abłvykankama Uładzimir Dziaško i inšyja.
U śpisie taksama jość kamandujučy ŭnutranymi vojskami Mikałaj Karpiankoŭ — BiełAES achoŭvajuć vajskoŭcy vajskovaj čaści 7434 unutranych vojskaŭ. U skład členaŭ kamisii taksama ŭklučyli načalnika DAI Hrodzienskaj vobłaści Alaksandra Vajciešku.
U kamisii jość i šeść rasijanaŭ, ale adznačajecca, što jany mohuć stać jaje čalcami tolki ź ich zhody. Heta hienieralny dyrektar «Atamtechenierha» Juryj Markaŭ, vice-prezident «Atambudekspart» Vital Palanin, dyrektar pa prajektavańni BiełAES inžynirynhavaj kampanii «ASE» Siarhiej Prychodźka i inšyja.
Usiaho ŭ śpisie 21 čałaviek.
Pastanova pryniata zhodna z ukazam Alaksandra Łukašenki «Ab uvodzie ŭ ekspłuatacyju BiełAES», padpisanym 30 listapada minułaha hoda. U im paznačana, što «nie mienš čym za 40 dzion da zapłanavanaj daty ŭvodu ŭ ekspłuatacyju kožnaha błoka» pryznačajucca pryjomačnyja kamisii.
Kamientary