Siońnia premjer-ministr Biełarusi naviedaje z adnadzionnym vizitam Kijeŭ. Jon praviadzie pieramovy ź Viktaram Juščankam, Julijaj Cimašenkaj, Uładzimiram Litvinym i Viktaram Janukovičam.
12 červienia premjer‑ministr Biełarusi naviedaje z adnadzionnym rabočym vizitam Kijeŭ. Jon sustreniecca z prezidentam Ukrainy Viktaram Juščankam, premjer‑ministram Julijaj Cimašenkaj, śpikieram Viarchoŭnaj rady Uładzimiram Litvinam i lideram Partyi rehijonaŭ Viktaram Janukovičam.
Padrychtoŭka pieramoŭ Sidorskaha i Cimašenki viałasia z kanca studzienia 2009 hoda, paśla sustrečy prezidentaŭ dźviuch krain 20 studzienia ŭ Čarnihavie.
Pavodle źviestak pres‑słužby biełaruskaha ŭrada,
siońnia ŭ Kijevie premjery sustrenucca ŭ farmacie «sam‑nasam», zatym pieramovy buduć praciahvacca ŭ pašyranym składzie.
U prahramie vizitu taksama sustreča pradstaŭnikoŭ dziełavych kołaŭ Biełarusi i Ukrainy.
Ukraina — adzin z asnoŭnych handlovych partnioraŭ Biełarusi. U 2008 hodzie tavaraabarot pavialičyŭsia bolš čym u 1,6 razu: ekspart skłaŭ 2,8 młrd. dalaraŭ (bolš u 1,9 razu), impart — 2,1 młrd. (u 1,4 razu). Stanoŭčaje dla Biełarusi salda skłałasia na ŭzroŭni 674,6 młn. dalaraŭ.
U studzieni—krasaviku 2009 hoda pad upłyvam suśvietnaha ekanamičnaha kryzisu tavaraabarot skaraciŭsia na 53% u paraŭnańni z hetkim ža pieryjadam 2008 hoda i skłaŭ 774,1 młn. dalaraŭ. Ekspart biełaruskaj pradukcyi skaraciŭsia na 59,8% (da 405 młn. dalaraŭ), impart z Ukrainy — na 42,3%. Stanoŭčaje dla Biełarusi salda ŭ handli tavarami skłała 35,9 młn. dalaraŭ.
U asnovie biełaruskaha ekspartu — traktary, hruzavyja aŭtamabili, kalijnyja ŭhnajeńni, chaładzilniki i marazilniki, lifty i liftavoje abstalavańnie, častki i abstalavańnie dla aŭtamabilaŭ i traktaroŭ, naftapradukty, bitum naftavy, palimiery etylenu, šyny, kambajny, pryčepy i paŭpryčepy, plity kieramičnyja, škło paliravanaje, pančošna‑škarpetkavyja vyraby, cukar, rybapradukty.
Asnoŭny abjom impartu z Ukrainy prypadaje na pramiežkavyja i inviestycyjnyja tavary: mietałapradukcyju, kamplektavalnyja, vuzły i detali dla zborki techniki, makuchu, słaniečnikavy alej dla vytvorčaści kambikarmoŭ, łakaŭ i farbaŭ, hazavyja turbiny, vahony.
Va Ukrainie dziejničajuć bolš jak 100 struktur tavarapravodnaj sietki Biełarusi, jakija ažyćciaŭlajuć dylerskija i dystrybjutarskija funkcyi.
Pres‑słužba Saŭmina nahadvaje, što 20 studzienia ŭ Čarnihavie Łukašenka i Juščanka padpisali miemarandumpamiž uradami i nacbankami ab vypracoŭcy sistemy mier pa intensifikacyi dvuchbakovaha handlova‑ekanamičnaha supracoŭnictva va ŭmovach suśvietnaha finansava‑ekanamičnaha kryzisu.
2 červienia ŭ Čarnihavie pieršyja vice‑premjery Biełarusi i Ukrainy Uładzimir Siamaška i Alaksandr Turčynaŭ padpisali dakumient ab realizacyi hetaha miemaranduma.
Praduhledžana, u pryvatnaści, farmiravańnie spryjalnych umoŭ dla supracoŭnictva pradpryjemstvaŭ małoha i siaredniaha biźniesu Biełarusi i Ukrainy, sadziejničańnie ŭ stvareńni pradpryjemstvaŭ aptova‑roźničnaha handlu na terytoryi dźviuch krain, pryniaćcie dadatkovych mier pa ŭzajemnym pryznańni vynikaŭ siertyfikacyi pradukcyi.
Stavicca zadača spraścić praceduru atrymańnia dazvołaŭ na vyjazny handal u pryhraničnych rehijonach, razhledzieć mahčymaść admieny antydempinhavych i śpiecyjalnych mier va ŭzajemnym handli, vypracavać prapanovy ab bolš efiektyŭnym vykarystańni kambinavanych pieravozak hruzaŭ u režymie ciahnika «Vikinh» i stvareńni aptymalnych umoŭ dla raźvićcia pieravozak pa ŭnutranych vodnych šlachach.
Bakam taksama treba vyrašyć pytańni vydzialeńnia nieabchodnaj kolkaści dazvołaŭ dla prajezdu aŭtatranspartu, adpracavać kompleks pytańniaŭ, źviazanych z uzajemnymi pastaŭkami pradukcyi na ŭmovach doŭhaterminovaha lizinhu, vyrašyć prablemy ŭ śfiery raźlikaŭ, u tym liku jakija tyčacca kanviertacyi valut.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5454
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz54
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary