Tydzień kino: da Dnia rodnaj movy VOKA adkryvaje biaspłatny dostup da filmaŭ ź biełaruskaj ahučkaj
Da Mižnarodnaha dnia rodnaj movy, jaki adznačajecca 21 lutaha, na tydzień VOKA adkryvaje biaspłatny dostup da zamiežnych filmaŭ ź biełaruskim dublažom. Znajści ich možna ŭ raździele «Kino pa-biełarusku».
U pierakładnoj kalekcyi VOKA — užo bolš za 70 mastackich i animacyjnych filmaŭ, pieraahučanych na biełaruskuju movu dla hledačoŭ videaservisu z udziełam prafiesijnych akcioraŭ, dyktaraŭ i muzykantaŭ.
Tam jość i kłasika suśvietnaha kino, i kultavyja filmy apošnich hadoŭ, i papularnyja navinki: «Źniesienyja vietram», «Heta cudoŭnaje žyćcio», «12 raźjušanych mužčyn», «Zora», «Leon», «Palot nad hniazdom ziaziuli», «Piaty elemient», «Rekvijem pa mary», «Parfumier: Historyja adnaho zabojcy», «Miemuary hiejšy», «Kniha Iłaja», «Žonka ahladalnika zaaparka» i inšyja.
Dla siamiejnaha prahladu možna vybrać animacyjnuju kłasiku «Moj susied Totara», «Vandroŭny zamak Chaŭła» i «Naŭsikaja z Łohu Viatroŭ» ad Chajao Mijadzaki, kamiedyju «Niańki», pieršyja try častki fantastyčnaha bajevika «Dzieci špijonaŭ» i mnohaje inšaje. U raździele taksama pradstaŭlena animacyja ad biełaruskich multyplikataraŭ — mini-sieryjał pra piersanaža narodnych kazak Nieścierku, a taksama niekatoryja karciny Nacyjanalnaj kinastudyi «Biełaruśfilm».
Biaspłatny dostup da miedyjateki «Kino pa-biełarusku» budzie akdryty z 15 pa 21 lutaha ŭklučna. Pahladzieć filmy z ahučkaj na rodnaj movie ŭsie achvotnyja zmohuć na sajcie voka.tv ci ŭ mabilnaj prahramie VOKA — ź luboj pryłady i ŭ sietcy luboha apieratara paśla aŭtaryzacyi pa numary telefona.
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia31
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary