Hramadstva

Chto taki kazak Piatro Šapko, jaki sprabuje zabaranić bieł-čyrvona-bieły ściah?

U Hienieralnuju prakuraturu źviarnułasia «hrupa hramadzian» z prapanovaj pryznać bieł-čyrvona-bieły ściah ekstremisckim.

Jany spasyłajucca na vykarystańnie bieł-čyrvona-biełaha ściaha padčas Druhoj suśvietnaj biełaruskimi kałabarantami. Nazyvajecca i adzin čałaviek z hetaj hrupy — kiraŭnik arhanizacyi «Kazačy Spas», adzin z pradstaŭnikoŭ «ruskaha śvietu» ŭ Biełarusi Piatro Šapko.

Piatro Šapko. Fota sobor.by

Chto taki Piatro Šapko? Jamu 44 hady. Kaža, što ŭ kazactva pryjšoŭ praz ucarkaŭleńnie. Vialikuju rolu ŭ svaim staleńni jon addaje pravasłaŭnaj carkvie. Praŭda, biaźlitasna krytykuje, kali niešta nie adpaviadaje jaho pohladam. Tak, Šapko plažyŭ byłoha pres-sakratara BPC Siarhieja Lepina, jaki vykazaŭsia pra razhrom miemaryjała Ramanu Bandarenku. Pra kazakoŭ siarod svaich prodkaŭ Šapko nie viedaje, ale čamuści ličyć, što jany jość.

«Kazačy spas» — arhanizacyja Šapko — ładzić vajskovyja zbory dla biełaruskich dziaciej z udziełam rasijskich instruktaraŭ, jakija ŭdzielničali ŭ bajavych dziejańniach. Zbory takija prachodzili jak u Biełarusi, tak i z vyjezdami ŭ Rasiju.

Čytajcie taksama. Pravasłaŭny fietyšyzm i zbroja: prarasijski «Kazačy spas» zładziŭ čarhovyja dziciačyja zbory

U listapadzie Šapko zajaviŭ pra stvareńnie abjadnańnia «Ruch Radzima», jakoje ŭ budučyni moža pieraraści ŭ palityčnuju partyju. U intervju «Sputniku» Šapko z hetaj nahody kazaŭ, što choča bačyć Biełaruś «uzornaj ruskaj dziaržavaj». Biełarusaŭ ža jon nazyvaje «palityčnaj nacyjaj», ale «biełaruski narod nieadłučny ad ruskich». Pry hetym Šapko ŭ ramkach patryjatyčnaha vychavańnia zaprašajuć u škoły i ŭniviersitety.

Šapko inicyjatar kampanij suprać homaseksualnaści, vystupaŭ suprać pryniaćcia zakona ab chatnim hvałcie.

U inšym intervju ŭsio tamu ž «Sputniku» Šapko kazaŭ, što bolšaść žurnalistaŭ niedziaržaŭnych vydańniaŭ — «habrei». Praŭda, tak i nie paviedamiŭ, jak vyznačyŭ hetuju etničnuju prynaležnaść.

Letaś u internecie źjaviŭsia źliŭ dakumienta, u jakim prarasijskija siły Biełarusi źviartalisia da Uładzimira Pucina z prośbaj dapamahčy skidańniu Łukašenki. U hetym śpisie fihuravaŭ i Šapko. Praŭda, sam jon admaŭlaje svaju datyčnaść da hetaha lista.

Čytajcie taksama. Prychilniki «ruskaha śvietu» i SSSR napisali Pucinu. Prosiać dapamohu, kab skinuć Łukašenku

Kamientary

Ciapier čytajuć

Słova «Unavatuna» značyć «raj». Dzie na Šry-Łancy adpačyvała Mielnikava5

Słova «Unavatuna» značyć «raj». Dzie na Šry-Łancy adpačyvała Mielnikava

Usie naviny →
Usie naviny

«Ekanamičnaja hazieta» spyniła isnavańnie3

Maładych mazyrskich skinchedaŭ z «Ducha Rusi» buduć sudzić za «prapahandu teraryzmu»8

PVK «Vahnier» mohuć z Afryki pieravieści ŭ Biełaruś10

Doraha i z hnilcoj: što robicca z bulbaj u kramach paśla pravierak2

Falsifikacyi ŭ daśledavańniach chvaroby Alchiejmiera. Jak vyniki pryviali nie tudy19

Na MKAD moža źjavicca čaćviortaja pałasa — dla cichachodnaha transpartu i śpiectechniki2

Pamior były prezident Uruhvaja, jakoha nazyvali samy biednym prezidentam u śviecie4

30 hadoŭ tamu prajšoŭ refierendum, paśla jakoha zamianili Pahoniu i bieł-čyrvona-bieły ściah17

Usiu sumu Śviatłanie Kurs na lačeńnie sabrali za noč8

bolš čytanych navin
bolš łajkanych navin

Słova «Unavatuna» značyć «raj». Dzie na Šry-Łancy adpačyvała Mielnikava5

Słova «Unavatuna» značyć «raj». Dzie na Šry-Łancy adpačyvała Mielnikava

Hałoŭnaje
Usie naviny →

Zaŭvaha:

 

 

 

 

Zakryć Paviedamić