«U vašym domie žyvie abličča pratestu». U Homieli na padjezdach źjavilisia ŭlotki z fotazdymkam aktyvistaŭ. Pahladzicie, jak adreahavali susiedzi
Siońnia ranicaj hamielčuki, jakija nie ŭtojvajuć svajoj hramadzianskaj pazicyi, ubačyli na padjezdach ulotki sa svaimi fotazdymkami. Viadoma minimum ab troch vypadkach — u Navabielicy i 17-m mikrarajonie. Na ŭlotkach skazana: «Pavažanyja žychary, u vašym domie žyvie abličča pratestu». Dalej idzie infarmacyja, dzie sprabujuć ačarnić žančyn. Tak, naprykład, ich abvinavačvajuć u zdradach, parušeńni praviłaŭ darožnaha ruchu i raspaŭsiudzie BČB-atrybutyki, pišuć «Mocnyja naviny».
Havorka idzie pra vałanciora Anastasiju Sasykbajevu, aktyvistak Natallu Hłazkovu i Aksanu Lichadzijeŭskuju. Zrešty, susiedzi adreahavali zusim nie tak, jak čakali chulihany. Na niekatorych ulotkach źjavilisia nadpisy «Pabolš by takich!», «Ty małajčyna» i «Žyvie Biełaruś».
Kamientary