«Pryloh — i nie pračnuŭsia». Što viadoma pra śmierć bresckaha aktyvista Rašeckaha
4 śniežnia pamior brescki aktyvist Raman Rašecki. 42-hadovaha mužčynu znajšli miortvym u jaho kvatery.
Čytajcie: U Breście raptoŭna pamior 42-hadovy aktyvist Raman Rašecki
«Što dakładna stała pryčynaj śmierci, my nie viedajem. Učora jon byŭ doma. Žonka pajšła spać, Roma vyjšaŭ na bałkon, dzie było miesca dla dziaciej: matrac lažaŭ, cacki. Jon pryloh — i ŭsio, bolš nie pračnuŭsia», — raskazaŭ «Našaj Nivie» blizki siabar siamji Danił.
Sacyjalnyja sietki i telehram-kanały ciapier aktyŭna abmiarkoŭvajuć dźvie viersii: «čarhovaja achviara milicyi» i «suicyd». Siabar Ramana ich abviarhaje.
«Ja bačyŭ cieła Ramana: niama nijakich śladoŭ źbićcia. Ale paśla śmierci pasinieli huby i ruki — mahčyma, pryčynaj stała serca. Adnak kazać štości dakładna možna budzie tolki paśla ŭskryćcia», — kaža Danił.
Rašecki raniej pracavaŭ ryjełtaram u ahienctvie nieruchomaści. Apošni čas nie mieŭ pracy.
«Jon ža byŭ vielmi aktyŭnym: vychodziŭ sa ściaham, vykazvaŭ svaju palityčnuju pazicyju. I apošnim časam nie pracavaŭ — nie mieŭ mahčymaści, bo pastajanna davali sutki, — kaža Danił. — Akramia taho, Romie vypisvali i kuču štrafaŭ: ja zaraz hladžu kvitancyi, tam štrafaŭ na 4 tysiačy rubloŭ z kapiejkami.
Roma nie mieŭ hrošaj apłačvać ich. Praz heta pazaŭčora da jaho pryjechali apisvać majomaść — ladoŭniu, televizar, jašče niejkuju pobytavuju techniku».
Viadoma, što Raman byŭ kaliści sudzimy za zabojstva. «Roma mnie tłumačyŭ heta: kazaŭ, što pryjšłosia ŭziać vinu na siabie, kab nie dali «hrupavoje» i, adpaviedna, bolšy termin. Jon klaŭsia, što sam nie ŭdzielničaŭ u zabojstvie. Ale adsiadzieŭ 14 hadoŭ. Vyjšaŭ daŭno, kala 10 hadoŭ tamu».
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary