Chłopiec, jaki trapiŭ na videa, dzie siłaviki žorstka zatrymlivajuć ludziej u kramie na Čarviakova, raspavioŭ, što adbyłosia
«My byli na płoščy Pieramien, a paśla vyrašyli pajści ŭ «Hipa» ŭ prybiralniu i pahrecca. Tam chvilin 15 užo stajali ŭ čarzie, kali pačuli huki śviatłošumavych hranat na vulicy, — raspaviadaje jon. — Ja vyjšaŭ, i tam užo było mora siłavikoŭ u čornym. Ludzi stajali la kramy i hrukali pa metaličnaj pavierchni. Kali siłaviki pabiehli ŭ bok hipermarkieta, ludzi zapanikavali, stali zabiahać u kramu. I ja taksama zajšoŭ», cytuje Radyjo Svaboda.
Dalej, kaža chłapiec, užo adbyvałasia toje, što vidać na videa.
«Zalacieŭ spačatku adzin u čornym, jak ašaleły, pačaŭ źbivać i krucić chłopca. A paśla zabiehli jašče čałaviek šeść, nalacieli na mianie, na mužčynu pobač, — zhadvaje chłapiec. — Pačałasia niejkaja sieča, u jakoj nie razumieŭ ničoha, ja chapaŭ mužčynu za ruku kab być razam, čaplaŭsia za metaličnuju aharodžu, a jany praciahvali dubinami źbivać mianie i ludziej pobač. Mianie schapili za kaŭnier i ja ŭžo niedzie ŭnutry adčuvaŭ byccam chana budzie, byccam mianie ŭžo amal niasuć u piekła.
Ale ja trymaŭsia da apošniaha, ludzi dapamahali, žančyny zdajecca kryčali: «Nia bicie, spyniciesia». Paśla pamiataju što ja na padłozie, mianie adzin z napadnikaŭ ciahnie za nahu, ja čaplajusia za nohi ludziej, za što traplajecca».
Chłapcu pašancavała — siłaviki syšli z kramy, nie zatrymaŭšy jaho. Ale na hałavie zastalisia rany. Jamu na dapamohu pryjšli medyki, jakija apynulisia pobač, — prynieśli binty, pramyli paranienuju hałavu.
Chłapiec źviarnuŭsia ŭ špital. Kaža, što daviałosia doŭha siadzieć u čarzie. Jamu nakłali 3 švy i pastavili dyjahnaz ČMT. Ad špitalizacyi jon admoviŭsia. Jašče kaža, što ŭ jaho mocna balić naha — «usia siniaja, i chadzić ciažka».
«Pakul ja siadzieŭ 3 hadziny ŭ špitali, pryvozili inšych ludziej u drennym stanie, złamanymi i źbitymi, — kaža chłapiec. — A vachciorka, žančyna stałaha vieku, uvieś čas čaplałasia da ludziej i łajałasia, kazała, što na miescy prezydenta stralała b ich na miescy ŭsich».
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu10
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5959
Kamientary