Pra heta jon zajaviŭ, prymajučy kadravyja rašeńni, piša BiełTA.
«Pakul ja prezident, vyrašać budzie biełaruski narod. Tolki ludzi buduć vyrašać. Nie prezident u adzinočku, nie kiraŭnik administracyi, vyšejšyja słužbovyja asoby, deputaty nie buduć vyrašać u adzinočku. A pryniasuć narodu i skažuć: vyrašycie voś 10, 20, 30 pytańniaŭ. I jak narod vyrašyć — tak i budzie».
I kali narod vyrašyć iści ŭ NATA, padkreśliŭ jon, to pojduć u NATA. «Kali narod vyrašyć parezać krainu na kavałki i razdać — budzie kraina parezanaja. Ale kali narod vyrašyć, što žyć my budziem u mirnaj, spakojnaj, cichaj, kulturnaj krainie, značyć, my budziem žyć u takoj krainie», — skazaŭ Łukašenka.
Jon dadaŭ, što ni ŭ kaho z «tak zvanaj elity» nie pavinna być pamyłak, što «my tut niešta zmudrym».
«Asabliva pavodle Kanstytucyi, i praz padman zrobim novuju Kanstytucyju. Hetaha nie budzie. Tolki ludzi pavinny vyrašyć. Taki pieryjad vostry. Kali narod zachoča niešta inšaje, čym toj šlach, pa jakim my išli, nu chaj pasprabujuć», — reziumavaŭ jon.
Kamientary