Biełaruskaja śpiavačka Dakota pachvaliłasia, što nabyła dźvie kvatery ŭ Maskvie, kab nie adčuvać siabie ŭ halečy
Śpiavačka biełaruskaha pachodžańnia Ryta Dakota (Marharyta Hierasimovič) nabyła dźvie kvatery ŭ Maskvie. Z voknaŭ žyłoha kompleksu, dzie raźmieščany dźvie dvuchpaviarchovyja studyi, bačny biznes-centr «Maskva-Sici». Pra heta artystka napisała na svajoj staroncy ŭ Instagram.
«Za majoj śpinaj raskošny dom ź vidam na Moscow City, a ŭ kišeni klučy ad dźviuch utulnych dvuchpaviarchovych studyj, jakija ja ciapier budu… zdavać, — paviedamiła padpisčykam Dakota. — Siabry, ja doŭha nie raspaviadała vam pra heta i nie dzialiłasia svaim ščaściem, a potym padumała, što, mahčyma, maja historyja natchnić kahości. Ja zyču kožnamu z vas, kab i vašy mary spraŭdžvalisia, kab i na vašaj dušy zaŭsiody było spakojna i dobra».
Pa słovach śpiavački, jana kupiła nieruchomaść ź inviestycyjnymi metami, z-za strachu «zastacca adnojčy ź dziciem biez srodkaŭ da isnavańnia». «Mnie śnilisia strašnyja sny pra toje, što ja skaciłasia tudy, adkul pačynała, i znoŭ žyvu ŭ zdymnym pakoi za MKAD z 300 rublami [vidać, 10 biełaruskimi] u kišeni, tolki ŭ kałyscy płača dzicia. Ja pračynałasia ŭ chałodnym pocie», — padzialiłasia Dakota.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary