Ministr zamiežnych spraŭ Litvy Linas Linkiavičus zajaviŭ, što pahrozy Alaksandra Łukašenki pra ŭvod sankcyj u dačynieńni da Litvy i Polščy — heta naturalnyja dla jaho pavodziny, aŭtarytarny kiraŭnik Biełarusi imkniecca luboj canoj zachavać svaju pasadu, piša Delfi.
«Heta praciah astatnich jaho pahroz. Naturalna, što jon idzie va-bank, abaraniajecca ŭsimi zrazumiełymi jamu sposabami», — skazaŭ ministr.
«Niejkija jaho ŭčynki nieadekvatnyja, ale ciažka davać niejkija acenki, heta jaho naturalnyja achoŭnyja pavodziny dla zachavańnia svajoj pasady, nie źviartajučy ŭvahu ni na ŭnutranuju situacyju, ni na cisk mižnarodnaj supolnaści», — dadaŭ jon.
Kamientary