Homielskuju nastaŭnicu, jakuju zatrymali, kali vynosiła śmiećcie, aštrafavali
Inu Barysienku zatrymali 21 žniŭnia, kali jana vynosiła cmiećcie. Pavodle pratakoła milicyi, Ina Barysienka 19 žniŭnia arhanizavała niesankcyjanavanaje šeście, paviedamlaje Radyjo Svaboda.
«Ja ščyra dumała, što heta zakonna, bo milicyja nie papiaredžvała, što heta niezakonna. Ja była la cyrku, tam źbiralisia ludzi… Ja ničoha nie arhanizoŭvała», — patłumačyła na sudzie nastaŭnica.
«Ź jakoj metaj vy byli la cyrka?», — zapytaŭsia sudździa. «Bieź nijakaj peŭnaj mety», — adkazała žycharka Homiela.
Inu zatrymali ŭ piatnicu, 21 žniŭnia, kali jana vynosiła śmiećcie.
«Da mianie padyšli dva čałavieki, ja vielmi spałochałasia, u mianie byŭ žach. Ja była ŭ žudasnym emacyjnym stanie. Ja admoviłasia jechać ź milicyjaj, bo jany nie skazali — za što, nie nazvali pryčynu», — patłumačyła nastaŭnica. U pratakole napisana, što jana vyryvałasia, to-bok «nie padparadkavałasia zakonnym patrabavańniam».
Ina Barysienka prasiła pryniać pad uvahu, što jana bolš nie budzie ŭdzielničać u masavych mierapryjemstvach.
Sudździa Siarhiej Karmanovič pakaraŭ jaje štrafam 26 bazavych vieličyń (702 rubli).
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES4
Kamientary