Słuckija žurnalisty prosiać skłaści pasłańnie budučamu prezidentu
U krainie idzie ahitacyja za kandydataŭ u prezidenty Biełarusi. A vy ŭžo možacie prahałasavać, ale nie za tych, chto pretenduje na vysokuju pasadu, a za paniaćci, kaštoŭnaści, jakija vam blizkija i jakija z vami moža padzialić (ci nie padzialić) budučy prezident.
Takuju ankietu zrabili našy kalehi z haziety «Kurjer». Zamiest imionaŭ palitykaŭ u hetaj ankiecie pradstaŭleny inšyja «kandydaty», jakich vy možacie sami ŭpisać u «biuleteń». Heta moža być čarka i skvarka, pieramieny abo stabilnaść, svaboda ŚMI, mocnaja ruka, demakratyja, zarpłaty pa 500, svaboda, roŭnaść, braterstva. Upisvajcie tyja kaštoŭnaści, jakija vam blizkija.
Pierachodźcie pa spasyłcy i hałasujcie zaraz!
Akramia hetaha, hazieta «Kurjer» zaprašaje vas adpravić pasłańnie budučamu prezidentu. Niekatoryja ź ich pieryjadyčna buduć publikavacca na našym sajcie.
Za dva miesiacy čytačy adpravili ŭžo bolš za 200 paviedamleńniaŭ kiraŭniku dziaržavy, jakoha biełarusy abiaruć 9 žniŭnia. Z usich dasłanych pasłańniaŭ my skłali adno ahulnaje. Jaho zakapali ŭ adnym sakretnym miescy. Hetuju «kapsułu» redakcyja adkryje i apublikuje paśla vybaraŭ (paśla 9 žniŭnia).
Svajo pasłańnie vy možacie pakinuć tut.
Kamientary