Capkała: Kali i prajhravać, to lubomu z kandydataŭ, akramia Łukašenki
Były dypłamat i kiraŭnik Parka vysokich technałohij Valeryj Capkała daŭ intervju rasijskamu Forbes.
Capkała adznačyŭ, što budzie abapiracca na prafiesijanałaŭ i ahulnuju decentralizacyju.
«Ja maju namier pravieści kanstytucyjnuju reformu z prycełam na stvareńnie źmiašanaj sistemy dziaržkiravańnia, jakaja nahadvaje Piatuju respubliku ŭ Francyi: parłamienckija vybary pa partyjnych śpisach; pryznačeńnie na pasadu premjer-ministra lidara kirujučaj partyi ci kaalicyi; farmiravańnie ŭrada z partyjnych lidaraŭ; stvareńnie niezaležnaj sudovaj sistemy, mahčyma, na pieršym časie z pryciahnieńniem zamiežnych śpiecyjalistaŭ; akcyjanavańnie dziaržaŭnych ŚMI, bo ŭ hramadstvie pavinna być mahčymaść vykazvańnia roznych punktaŭ hledžańnia», — zajaviŭ Capkała.
Na hety momant kamanda Capkały vydatkavała $20 000 z dazvolenych zakanadaŭstvam na kampaniju $100 000.
«Kampanija akazałasia značna tańniejšaj, čym ja mierkavaŭ: brendavanyja kiepki, majki, tumby kaštujuć nievialikich hrošaj, i sami vybarščyki aktyŭna dapamahajuć. Palityčnaja aktyŭnaść biełarusaŭ surjozna adroźnivaje hetyja vybary ad papiarednich: ja vydatkavaŭ u sacsietkach na rekłamu $300 — i ŭbačyŭ jaje biessensoŭnaść: infarmacyja sama chutka raźlatajecca pa sietcy», — skazaŭ patencyjny kandydat.
Capkała zajaviŭ, što ŭ vypadku projhryšu hatovy zastacca ŭ palitycy.
«Ale kali ŭžo prajhravać, to ja b paličyŭ za lepšaje prajhrać lubomu z kandydataŭ, akramia Łukašenki. Ja razumieju, što, chto b ni pryjšoŭ da ŭłady ŭ Biełarusi, jon paviadzie krainu pa demakratyčnym šlachu raźvićcia: u krainie pačnie raźvivacca rynkavaja ekanomika, dzie biznes nie budzie kryminalnym złačynstvam, dzie hramadzianie zmohuć svabodna i biez bojazi realizoŭvać svaje bazavyja pravy, u tym liku prava na vykazvańni ŭłasnaha mierkavańnia, prava na ŭdzieł u publičnych akcyjach, schodach, mitynhach», — adznačyŭ patencyjny kandydat.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču5
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4848
Kamientary