Budučyja mamy ŭ 80-90% vypadkaŭ pieranosiać karanavirusnuju infiekcyju ŭ lohkaj abo siarednieciažkaj formach, paviedamiŭ tass.ru dyrektar Instytuta akušerstva NMIC akušerstva, hiniekałohii i pierynatałohii, prafiesar Rasijskaj akademii navuk Raman Šmakaŭ.
«Ciažarnyja pieranosiać infiekcyju ŭ lohkaj abo siarednieciažkaj formie, da 80-90% vypadkaŭ. U ciažarnych usie kłasičnyja simptomy: vysokaja tempieratura, suchi kašal, strata niuchu. Pry hetym mohuć być niespryjalnyja zychody ciažarnaści — byvajuć i straty ciažarnaści, byvajuć zaŭčasnyja rody, zdarajecca patałohija, tamu za imi treba vielmi sačyć. Adnak budučyja mamy pieranosiać zachvorvańnie lahčej, čym ludzi stałaha vieku. Niemaŭlaty nie chvarejuć, jany prosta pieranosiać hety virus», — skazaŭ jon.
Ekśpiert adznačyŭ, što ŭ Rasii hruntujucca na kitajskim padychodzie viadzieńnia paradzich. Pry najaŭnaści ŭ ich karanavirusnaha zachvorvańnia novanarodžanaha adrazu ž razłučajuć z mamaj da taho momantu, pakul jaje testy na karanavirus nie pakažuć admoŭnyja vyniki. Niemaŭlaci taksama robiać testy na najaŭnaść infiekcyi — adrazu pry naradžeńni i na trecija sutki.
«U nas [u centry] prajšło kala 30 rodaŭ voś z takimi pacyjentami. My adrazu paśla naradžeńnia pierarazajem pupavinu i pieradajem dzicia na dziciačy stolik, jaki znachodzicca na adlehłaści bolš za dva mietry, dzie novanarodžany prachodzić apracoŭku. Nivodnaje dzicia ŭ nas nie było COVID-pazityŭnym», — padzialiŭsia dyrektar Instytuta akušerstva.
«U śviecie apisany tolki dva vypadki pieradačy virusa novanarodžanamu, ale ci była heta viertykalnaja pieradača ad maci da dziciaci abo zaražeńnie adbyłosia paśla naradžeńnia, składana skazać. Usie daśledavańni kalapłodnych vod, pochvy padčas rodaŭ pakazali, što ŭ pryncypie hetyja asiarodki admoŭnyja, karanavirusa tam niama. Hipatetyčna, virus viertykalna nie pieradajecca», — skazaŭ Šmakaŭ.
Kamientary