Čym niebiaśpiečnaja vypiska z balnic pacyjentaŭ z karanavirusam u lohkim stanie? Tłumačym
Na zahad ministra achovy zdaroŭja z balnic vypisvajuć pacyjentaŭ z karanavirusam u lohkim stanie.
Takoje rašeńnie moža aznačać, što balnicy ŭ niekatorych haradach blizkija da pierapaŭnieńnia, miescy patrebnyja dla pacyjentaŭ u ciažkim stanie ci siaredniaj ciažkaści.
Adnak novaje rašeńnie Minzdaroŭja niasie i vialikija ryzyki. U vyniku ŭźniknie dadatkovaja ryzyka zaražeńnia inšych ludziej, asabliva kali chvoryja na chatnim režymie nie buduć vykonvać pradpisanaj im samaizalacyi.
Dla taho, kab jany stroha trymalisia samaabmiežavańniaŭ, treba, kab jany ŭśviedamlali stupień svajoj niebiaśpiečnaści dla hramadstva.
A heta nie harantavana, pakul dziaržaŭnyja orhany i ŚMI niedahavorvajuć pra epidemiju. Akramia taho, patrebny strohi nahlad milicyi za paradkam samaizalacyi.
Varta adznačyć, što pacyjentaŭ ź lohkim COVID-19 nie špitalizujuć u Italii, Francyi, Brytanii, Ispanii, Bielhii dy inšych jeŭrapiejskich krainach, dzie kolkaść inficyravanych vysokaja. Usie hetyja krainy dasiahnuli takoj stupieni raspaŭsiudu karanavirusa, što jany ŭžo nie staviać mety spynieńnia epidemii, zadavolvavajucca abmiežavańniem jaje maštabu. Adnak zabiaśpiečanaść ludziej žytłom u hetych zachodniejeŭrapiejskich krainach vyšejšaja, jak i ŭzrovień žyćcia i dachodaŭ.
Kamientary