Takoje mierkavańnie znakamity rasijski pradziusar vykazaŭ u intervju vydańniu Starhit.
«A chto z sučasnaha pakaleńnia artystaŭ vam impanuje — chto moh by pradstavić honar krainy? Jak staviciesia da fienomienu Oli Buzavaj, Fieduka, Julii Ziviert?» — zapytaŭsia žurnalist.
«Amal usie pieraličanyja simpatyčnyja. Ale kali kazać z pazicyi žyvoha efiru i žyvoha vykanańnia na Jeŭropu i na śviet, ja b adpraviŭ, mahčyma, Cimu Biełaruskich. Ale nie chaču mocna ŭ hetyja hulni załazić znoŭ-taki. Prosta mierkavańnie», — adkazaŭ Kruty.
Darečy, kampanija «Art Sici 5» Ihara Krutoha zajmałasia cyrymonijaj adkryćcia Jeŭrapiejskich hulniaŭ u Minsku, jakoje zapomniłasia hustoŭnaściu i nacyjanalnaj aryjentavanaściu.
Biełaruski kandydat na Jeŭrabačańnie budzie nazvany praz tydzień, 28 lutaha. Cimy Biełaruskich u šort-liście niama. Biełarus Dźmitryj Kałdun braŭ udzieł u Jeŭrabačańni ad Biełarusi ŭ 2007 h. i zaniaŭ 6-je miesca.
Kamientary